Զախարովան պատասխանել է հայերի ԵԱՀԿ Մինսկի խմբի մասին հարցին. «Պետք է հաշվի առնել նոր իրողությունները»

Զախարովան պատասխանել է հայերի ԵԱՀԿ Մինսկի խմբի մասին հարցին. «Պետք է հաշվի առնել նոր իրողությունները»

17:47 22 06 2022

«Ինձ թույլ եմ տալիս կասկածել Դոնֆրիդի հայտարարության անկեղծությանը։ Եթե Վաշինգտոնն ու Փարիզն իսկապես կարևորեին Մինսկի խմբի եզակի միջնորդական ձևաչափը, ապա չէին արհամարհի բոլոր մասնակից պետությունների կողմից հավանության արժանացած մանդատը: Նրանք փետրվարի 24-ին ցուցադրաբար, առանց որևէ խորհրդակցության ընդհատել են Մինսկի խմբի ռուսաստանցի համանախագահի հետ շփումները։ Այդպիսով, եռյակի աշխատանքին անդառնալի վնաս է հասցվել։ Այս վրդովեցուցիչ քայլի պատճառների մասին մինչ օրս ոչ մի հստակ բացատրություն չի տրվել։ Երաշխիքներ չկան, որ նման անպատասխանատու գործողությունները չեն կրկնվի»։

Ինչպես տեղեկացնում է Zinvor.info-ն, այսօրվա ճեպազրույցում այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Հայաստանի Հանրային հեռուստաալիքի լրագրողի սադրիչ հարցին:

«Պարզապես, չի ստացվի ձևացնել, թե ոչինչ չի եղել։ Պետք է հաշվի առնել նոր իրողությունները։ Կարծում եմ՝ խաղադրույքը եղել է այն, որ Ռուսաստանին կմեկուսացնեն, բայց նրանք սխալվել են և «իրենք իրենց են մեկուսացրել մեզանից»։ Իսկ արտաքին աշխարհը չի սահմանափակվում միայն Եվրատլանտյան աշխարհով։

Ռուսական կողմը շահագրգիռ է Ադրբեջանի ու Հայաստանի միջև հարաբերությունների կարգավորմամբ և չի կարող թույլ տալ, որ առանձին արտաքին խաղացողների քաղաքականացված քայլերը խարխլեն տարածաշրջանային խաղաղության և կայունության վերականգնման` առանց այդ էլ բարդ ջանքերը։ «Մենք այսուհետ ևս մեզնից կախված ամեն բան կանենք այն պարտավորությունների ու խնդիրների անվերապահ կատարման համար, որոնք արձանագրվել են երեք երկրների ղեկավարների հայտարարություններում», - ասել է Զախարովան:

Zinvor.info

Հեշթեգներ. Զախարովա ԵԱՀԿ

Նման լուրեր