Ինչպես հայտնում է
Zinvor.info-ն՝ ՌԴ ԱԳՆ-ին հղումով, նախարարները քննարկել են երկկողմ օրակարգի արդիական հարցեր՝ Ռուսաստանի և Ադրբեջանի միջև դաշնակցային համագործակցության մասին հռչակագրի կատարման համատեքստում։
Մտքերի փոխանակում է տեղի ունեցել նաև մի շարք տարածաշրջանային և միջազգային հարցերի շուրջ, այդ թվում՝ Մոսկվայի միջնորդությամբ Բաքվի և Երևանի հարաբերությունների կարգավորմանը։
«Հեռախոսազրույցի ընթացքում տեղի է ունեցել «ժամացույցների ստուգում» մի շարք տարածաշրջանային և միջազգային թեմաներով, այդ թվում՝ Ադրբեջանի և Հայաստանի միջև հարաբերությունների կարգավորման գործընթացի շուրջ։ Ընդգծվել է 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի ամենաբարձր մակարդակով եռակողմ համաձայնագրերի շրջանակներում Ռուսաստանի միջնորդական դերի հետ համապատասխան աշխատանքի կարևորությունը։
Պայմանավորվածություն է ձեռք բերվել շարունակել այս հարցերի բովանդակալից քննարկումը այս տարվա հունիսի 23-24-ին՝ Սերգեյ Լավրովի Բաքու սպասվող աշխատանքային այցի շրջանակներում»,- ասված է ՌԴ ԱԳՆ հաղորդագրության մեջ։