Այս մասին հայտնում է
Zinvor.info-ն՝ հղում անելով Ադրբեջանի նախագահի պաշտոնական կայքին։
Հանդիպմանը նշվել է Ադրբեջանի և Թուրքիայի միջև բոլոր ոլորտներում բարեկամական և եղբայրական հարաբերությունների հաջող զարգացումը, կողմերը վստահություն են հայտնել, որ Հուլուսի Աքարի այցը կնպաստի ռազմական ոլորտում երկկողմ համագործակցության ընդլայնմանը։
Թուրքիայի ազգային պաշտպանության նախարարը շնորհավորել է նախագահ Իլհամ Ալիևին՝ մայիսի 28-ի՝ Անկախության օրվա կապակցությամբ։ Երկրի ղեկավարը շնորհակալություն է հայտնել շնորհավորանքի համար։ Նշվել է, որ այս տոնական օրը միասին լինելը եղբայրության խորհրդանիշ է։
Զրույցի ընթացքում շոշափվել է Բաքվում անցկացվող TEKNOFEST Azerbaijan փառատոնի կարևորությունը, որը թուրք-ադրբեջանական հարաբերությունների ամենաբարձր մակարդակի վառ օրինակն է։