Ինչպես տեղեկացնում է
Zinvor.info-ն՝ վկայակոչելով նախագահի մամուլի ծառայությանը, պետության ղեկավարն ու առաջին տիկինը նախ մասնակցել են Ֆիզուլի քաղաքում կառուցվելիք մասնագիտական լիցեյի հիմնարկեքի արարողությանը։
Կրթության նախարար Էմին Ամրուլլաևը նախագահ Իլհամ Ալիևին և առաջին տիկին Մեհրիբան Ալիևային տեղեկացրել է համալիրի մասին։
Նշվել է, որ մասնագիտական լիցեյի տարածքը կկազմի 3,2 հա։ Համալիրում նախատեսվում է ստեղծել ուսումնական մասնաշենք, լաբորատորիա, մարզադահլիճ, մարզահրապարակ։ Այստեղ կկառուցվեն նաև ավտովերանորոգման կետ, սարքավորումների և մեքենաների պահեստներ, կտեղադրվեն գործնական պարապմունքների սարքավորումներ։
Երկրի ղեկավարը Ֆիզուլի քաղաքում դրել է մասնագիտական լիցեյի հիմքը։