Ադրբեջանի Զինված ուժերը բարձրախոսով դիմել են ղարաբաղցի հայերին

Ադրբեջանի Զինված ուժերը բարձրախոսով դիմել են ղարաբաղցի հայերին

10:21 28 02 2022

Ադրբեջանի ԶՈւ ստորաբաժանումները մաքուր հայերենով բարձրախոսով դիմել են ղարաբաղցի հայերին, ինչպես նաև ռուսական խաղաղապահ զորախմբի ժամանակավոր պատասխանատվության գոտում գտնվող հայկական ավազակախմբերի մնացորդներին։

Ինչպես Zinvor.info-յին հայտնի է դարձել ռազմական շրջանակներում իրազեկ աղբյուրներից, նախազգուշացման տեքստում ասվում է.

«Ուղերձ՝ մեր հայազգի քաղաքացիներին: Դուք գտնվում եք Ադրբեջանի Հանրապետության տարածքում։ Այստեղ իրականացվող ցանկացած գործունեություն կարգավորվում է Ադրբեջանի օրենքներով։ Այն ամենը, ինչ անում եք առանց պաշտոնական թույլտվության, անօրինական է: Ներկայումս ձեր կողմից իրականացվող ինժեներական աշխատանքներն անօրինական են:

Մի պատրաստվեք պատերազմի և մի փորձեք սահման ստեղծել մեր տարածքում։ Եթե ցանկանում եք մնալ ու ապրել այստեղ, հնազանդվեք Ադրբեջանի օրենքներին։

Հաշվի առնելով ձեր անվտանգությունը՝ պահանջում ենք դադարեցնել աշխատանքը և անհապաղ հեռանալ տարածքից։ Հակառակ դեպքում ձեր նկատմամբ ուժ կկիրառվի։ Կորուստների համար պատասխանատվությունն ընկնելու է ձեր վրա:

Մի վտանգեք ձեր և ձեր ընտանիքի անդամների կյանքը: Լքեք տարածքը: Լքեք տարածքը»:

Ադրբեջանի Զինված ուժերը նաև զգուշացնում են Խոջալուի շրջանի Փիրլյար գյուղի խաղաղ ղարաբաղահայերին, որ ցանկացած գյուղատնտեսական աշխատանք առանց Ադրբեջանի իշխանությունների պաշտոնական թույլտվության անօրինական է, և նրանք պարտավոր են լքել աշխատանքի տարածքը մինչև թույլտվություն ստանալը։

Zinvor.info

Հեշթեգներ. Ադրբեջան ԶՈւ

Նման լուրեր