Ինչպես հայտնում է Zinvor.info-ն, Սաբունչիի շրջանային դատարանի վարչական շենքում՝ Գյանջայի ծանր հանցագործությունների դատարանի դատավոր Էլմին Ռուստամովի նախագահությամբ տեղի ունեցած դատավարության ժամանակ հայտարարվել է դատական հետաքննություն սկսելու մասին։

Դատախազն ընթերցել է մեղադրական եզրակացությունը:

Մեղադրանքի համաձայն՝ Հայաստանի ՊՆ հետախուզության զորամասում խմբի հրամանատար Սարգսյան Իշխան Աշոտին և որպես սակրավոր Ռաֆայելյան Վլադիմիր Օթարին 2021 թվականի մայիսի 27-ին ականապատման գործողություններ են իրականացրել՝ Քելբեջարի շրջանի Յուխարը Այրըմ գյուղի տարածքով անցնող ճանապարհների վրա:
Երկու ամբաստանյալներին էլ մեղադրանք է առաջադրվել ՔՕ-ի 214.2.3 (ահաբեկչություն, որը կատարվել է հրազենի և որպես զենք օգտագործվող առարկաների գործադրմամբ), 228 (ապօրինի զենք-զինամթերք ձեռք բերելու), 318 (պետական սահմանն ապօրինի հատել) և 282 (սադրանք) հոդվածներով։

Դատարանում որպես վկա ցուցմունք են տվել ադրբեջանական բանակի սպաներ Նիջաթ Աբդուլհուսեյնովը և Հուսեյն Հասանովը։ Ամբաստանյալ Իշխան Սարգսյանն իր ցուցմունքում նշել է, որ նա հրաման է ստացել ականապատել Քելբեջարի շրջանի ճանապարհները և կատարել այն։ Նա նաև խոստովանել է, որ հանձնարարվել է Թովուզի ուղղությամբ մարտերի ժամանակ պայթեցնել՝ Բաքու-Թբիլիսի-Ջեյհան խողովակաշարը։

Դատավարությունը կշարունակվի հունվարի 24-ին։