Մոսկվայում կայացել է «3+3» տարածաշրջանային հարթակի շրջանակում առաջին նիստը

18:07 10 12 2021

Դեկտեմբերի 10-ին Մոսկվայում կայացել է 3+3 տարածաշրջանային խորհրդատվական հարթակի առաջին նիստը՝ Ռուսաստանի փոխարտգործնախարար Անդրեյ Ռուդենկոյի, Ադրբեջանի փոխարտգործնախարար Խալաֆ Խալաֆովի, Հայաստանի փոխարտգործնախարար Վահե Գևորգյանի, Թուրքիայի փոխարտգործնախարար Սեդաթ Օնալի, ինչպես նաև Իրանի արտգործնախարարության գլխավոր տնօրեն Ալիռեզա Հագիգյանի համանախագահությամբ:

Ինչպես տեղեկացնում է Zinvor.info-ն՝ վկայակոչելով ՌԴ ԱԳՆ-ին, Վրաստանի ներկայացուցիչները, որոնք նույնպես հրավիրված էին, ձեռնպահ են մնացել հանդիպմանը մասնակցելուց։

Հաղորդվում է, որ հանդիպման ընթացքում քննարկվել են տարածաշրջանային բազմակողմ համագործակցության զարգացման հեռանկարները։

«Պայմանավորվածություն է ձեռք բերվել հարթակի աշխատանքը կենտրոնացնել բոլոր մասնակիցներին հետաքրքրող գործնական հարցերի վրա։ Դրանց թվում են՝ վստահության բարձրացում, առևտրատնտեսական, տրանսպորտային, մշակութային և հումանիտար ոլորտներում փոխգործակցության, ընդհանուր մարտահրավերներին և սպառնալիքներին դիմակայելուն ուղղված միջոցառումներ»,-ասվում է հաղորդագրության մեջ։

Zinvor.info

Հեշթեգներ. Մոսկվա 3+3

Նման լուրեր