Ինչպես հաղորդում է Zinvor.info-ն, այս մասին երեքշաբթի օրը հայտարարել է նախագահի աշխատակազմի ՈԿԿ-ների հետ աշխատանքի և հաղորդակցության բաժնի պետի տեղակալ Սաադաթ Յուսիֆովան «Հիշողություն» գրքի և Memorial.az կայքի շնորհանդեսի ժամանակ:

Նրա խոսքերով, վերջին մեկ տարում մենք ականատես եղանք արտերկրում նորացված Ադրբեջանի վերաբերյալ հայացքների արմատական փոփոխության, մեր երկրի և ժողովրդի վերաբերյալ կարծրատիպերի ոչնչացման:

«Ադրբեջանի նախագահ Իլհամ Ալիևի պատմական ելույթը ՄԱԿ - ի 76 - րդ նստաշրջանում արդարության կոչ է՝ որպես համընդհանուր սկզբունք, որը կդառնա XXI դարի գլխավոր պարադիգման: Հայաստանի փորձերը՝ ուղղված ստատուս քվոյի պահպանմանը և օկուպացիայի հետևանքների ամրապնդմանը, ինչպես նաև վերջին երկու տարիների բանակցությունների ձևաչափն ու էությունը փոխելուն, այդ երկրի դեմ պատժամիջոցների բացակայությունը, 2020-ի հուլիս-օգոստոսի սադրանքը հանգեցրեցին այն բանի, որ սեպտեմբերի 27-ին Հայաստանը լայնածավալ հարձակում ձեռնարկեց Ադրբեջանի դեմ: Ի պատասխան դրան՝ Ադրբեջանը, օգտվելով ՄԱԿ-ի կանոնադրության 51-րդ հոդվածում ամրագրված ինքնապաշտպանության իրավունքից, լուծեց 30-ամյա հակամարտությունը ռազմաքաղաքական միջոցներով՝ վերականգնելով իր տարածքային ամբողջականությունը և պատմական արդարությունը: Հակամարտությունը մնաց անցյալում», - ասել է Յուսիֆովան: