Նախագահը կրկնել է, թե Լեռնային Ղարաբաղի հակամարտությունն ավարտված է, Լեռնային Ղարաբաղի տարածքային միավոր Ադրբեջանի տարածքում այլևս գոյություն չունի։

«Մենք պատերազմը որոշեցինք ռազմաքաղաքական միջոցներով, պատերազմը մնաց հետևում, և Լեռնային Ղարաբաղի հակամարտությունը մնաց պատմության մեջ: Ադրբեջանի տարածքում չկա Լեռնային Ղարաբաղի տարածքային միավոր։ Եթե ինչ-որ մեկը ցանկանում է վերակենդանացնել մահացածին՝ «Լեռնային Ղարաբաղը», թող դա անի իր տարածքում:

Թող իր տարածքում ստեղծի հանրապետություն, հասարակություն: Մենք կճանաչենք այն, բայց ոչ մեր տարածքում», - հայտարարել է Իլհամ Ալիևը, հավելելով, թե Ղարաբաղի հարցը գտել է իր լուծումը, և բոլորը պետք է հաշվի նստեն դրա հետ:

Իլհամ Ալիևը հայտարարել է, թե Բաքուն վճռական պատասխան կտա՝ Հայաստանից երկրի համար նոր սպառնալիքի դեպքում:

«Հայկական ֆաշիզմը ոչնչացված է:

Այնուամենայնիվ, դրա դրսևորումները դեռ նկատվում են: Սա, առաջին հերթին, շատ վտանգավոր միտում է Հայաստանի կառավարության համար: Ես արդեն ասել եմ, և այսօր ուզում եմ ևս մեկ անգամ ասել․ եթե տեսնենք, որ հայկական ֆաշիզմը գլուխ է բարձրացնում, եթե տեսնենք, որ դա վտանգի նոր աղբյուր է մեր ժողովրդի ու պետության համար՝ առանց տատանվելու մենք նորից կկոտրենք հայկական ֆաշիզմի գլուխը:

«Հայաստանում իշխանությունը փոխվում է, բայց թշնամու բնույթը մնում է նույնը: Հայաստանում ծաղկող ադրբեջանատյացությունն ու իսլամաֆոբիան հասել են հոգեկան հիվանդության մակարդակի։ Այնտեղ ադրբեջանցիների նկատմամբ ատելությունը հաստատվել է որպես պաշտոնական գաղափարախոսություն», - հայտարարել է Նախագահը։