Նախագահ. Հայաստանում գտնվող հին ադրբեջանական բնակավայրերը պետք է կրեն իրենց իսկական անունները

Նախագահ. Հայաստանում գտնվող հին ադրբեջանական բնակավայրերը պետք է կրեն իրենց իսկական անունները

12:02 17 08 2021

Նրանք՝ որպես Լաչինի միջանցքին այլընտրանք, կառուցել են Հայաստանը Ղարաբաղի հետ կապող երկրորդ ճանապարհը: Այսպիսով, նրանք կառուցել են այս ճանապարհը, որպեսզի ավելի հեշտ լինի վերաբնակեցնել Քելբաջարը և այլ շրջանները: Հայաստանում Բասարքեչարի շրջանը կոչվում է Վարդենիս: Բայց այդ շրջանի իրական անունը Բասարքեչար է, Գոյչայի մահալ, սա հնագույն ադրբեջանական հող է:

Zinvor.info-ն հայտնում է, որ այս մասին ասել է Ադրբեջանի նախագահ Իլհամ Ալիևը Քելբաջարի և Լաչինի շրջաններ կատարած ուղևորության ժամանակ:

«Հայաստանի տարածքում Բասարքեչարի շրջանը կազմավորվել է 1930 թվականին: Այստեղ ապրող մարդկանց ճնշող մեծամասնությունը ադրբեջանցիներ էին: Այդ թվում՝ Զոդ գյուղի բնակիչներն էլ են եղել ադրբեջանցիներ, նրանք արտաքսվել են: Միայն 1969 թվականի հունիսին Հայաստանը փոխեց Բասարքեչարի շրջանի անունը՝ վերանվանելով Վարդենիս: Մեր բառապաշարում պետք է օգտագործել Բասարքեչար անունը, այլ ոչ թե Վարդենիս: Բոլոր մյուս հնագույն ադրբեջանական բնակավայրերը, որոնք գտնվում են ներկայիս Հայաստանի տարածքում, նույնպես պետք է կրեն իրենց իսկական անունները:

Օրինակ, ես մամուլում հետևում եմ Նախչըվանում Հայաստանի հետ սահմանին առկա լարվածության մասին լուրերին: Մեր որոշ լրատվամիջոցներ գրում են, որ հայկական Երասխ գյուղի մոտ ինչ որ իրադարձություններ են տեղի ունեցել: Գյուղի անունը Արազդեյեն է, մինչ տեղահանությունը՝ այնտեղ ապրում էին ադրբեջանցիներ: Հետևաբար, բոլոր հին, այսինքն` պատմական անունները պետք է վերականգնվեն», - ասել է պետության ղեկավարը:

Zinvor.info

Հեշթեգներ. Ադրբեջան Նախագահ Իլհամ-Ալիև

Նման լուրեր