Շահին Մամեդովը «SAHA 2026»-ում ծանոթացել է Թուրքիայի կամիկաձե ծովային դրոնին

Շահին Մամեդովը «SAHA 2026»-ում ծանոթացել է Թուրքիայի կամիկաձե ծովային դրոնին - ՖՈՏՈ

09:54 08 05 2026

Ադրբեջանի Ռազմածովային ուժերի հրամանատար, կոնտր-ադմիրալ Շահին Մամեդովը Ստամբուլում անցկացվող V «SAHA 2026» միջազգային պաշտպանության և աերոտիեզերական ցուցահանդեսում այցելել է «Makine ve Kimya Endüstrisi» (MKE) ընկերության տաղավար։

Zinvor.info-ն հայտնում է, որ կոնտր-ադմիրալը ընկերության տաղավարում մանրամասն ծանոթացել է MKE-ի ռազմական պաշտպանական արտադրանքներին, այդ թվում՝ «PİRANA» անօդաչու կամիկաձե ծովային դրոնին (İDA)։

Նշենք, որ «PİRANA»-ն մակերեսային կամիկաձե ծովային դրոն է, որը մշակվել է՝ հաշվի առնելով ասիմետրիկ պատերազմի պայմանները։ «PİRANA»-ն նաև ունի «երամ» հայեցակարգով հարձակում իրականացնելու հնարավորություն։ Գործողության ընթացքում «երամում» ընդգրկված «PİRANA»-ների մի մասը թիրախային գոտում շարժվելով՝ իր վրա է հրավիրում հակառակորդի ռադարների և պաշտպանական համակարգերի ուշադրությունը, իսկ մյուս «PİRANA»-ները, որոնք իրենց կառուցվածքի և հատուկ ծածկույթի շնորհիվ ունեն ցածր ռադարային տեսանելիություն, իրենց վրա տեղադրված մարտագլխիկով աննկատ ոչնչացնում են թիրախը։