Ինչպես Zinvor.info-ին հայտնել են ԱԳՆ-ից, հանդիպմանը գոհունակություն է հայտնվել՝ երկու երկրների միջև ռազմավարական գործընկերության զարգացման կապակցությամբ՝ հիմնված փոխադարձ հարգանքի և վստահության, միջազգային իրավունքի նորմերի և սկզբունքների պահպանման, ինքնիշխանության և տարածքային ամբողջականության փոխադարձ աջակցության վրա։ Ռազմավարական գործընկերության զարգացմանը նպաստող գործոններից ընդգծվել է՝ բարձրագույն և բարձր մակարդակներով փոխայցելությունների և մեր պետությունների ղեկավարների միջև բարեկամական հարաբերությունների կարևորությունը։

Կողմերը նշել են՝ էներգետիկ անվտանգության, տրանսպորտի, մշակույթի, զբոսաշրջության ոլորտներում համագործակցության լավ մակարդակը, ընդգծել է՝ տնտեսության, առևտրի և ներդրումների ոլորտներում կապերի զարգացման անհրաժեշտությունը, ինչպես նաև փոխադարձ աջակցության և համերաշխության շարունակական կարևորությունը՝ տարածաշրջանային և միջազգային կազմակերպությունների շրջանակներում:

Ադրբեջանի ԱԳՆ ղեկավարը Մարկո Ջուրիչին տեղեկացրել է՝ Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանի արդյունքների և «կանաչ» էներգիայի զարգացման Ադրբեջանի ծրագրերի մասին։

Ջեյհուն Բայրամովը մանրամասն պատմել է՝ օկուպացիայից ազատագրված տարածքների վերականգնման և շինարարության լայնածավալ աշխատանքների, Ղարաբաղում և Արևելյան Զանգեզուրում իրականացվող նախագծերի, Ադրբեջանի և Հայաստանի միջև հարաբերությունների կարգավորման ներկա վիճակի մասին։ Խաղաղ գործընթացին խոչընդոտող մարտահրավերների թվում Ջեյհուն Բայրամովը նշել է՝ խաղաղության պայմանագրի չհամաձայնեցված կետերը և Հայաստանի Սահմանադրության մեջ մեր երկրի նկատմամբ տարածքային ամբողջականության պահանջները։

Ջեյհուն Բայրամովը հայտարարել է նաև, որ Երևանի կողմից՝ ԵԱՀԿ Մինսկի խմբի պաշտոնական վերացմանը խոչընդոտելը հակասում է խաղաղ գործընթացին։

Zinvor.info