Քելբաջարը պետք է վերադարձվեր Ադրբեջանին դեռ 2020 թվականի նոյեմբերի 15-ին՝ Ադրբեջանի նախագահ Իլհամ Ալիևի, Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի ստորագրած հայտարարության համաձայն։ Սակայն հայկական կողմը լրացուցիչ 10 օր ժամանակ խնդրեց տարածքից իր ստորաբաժանումները դուրս բերելու և վերաբնակներին այնտեղից հանելու համար։ Հումանիզմ դրսևորելով և հաշվի առնելով ՌԴ նախագահի խնդրանքը՝ Ադրբեջանը համաձայնեց հետաձգել Քելբաջարի վերադարձը մինչև նոյեմբերի 25-ը։

Քելբաջարի շրջանը Հայաստանի զինված ուժերի կողմից օկուպացվել էր 1993 թվականի ապրիլի 2-ին։ Օկուպացիայի հետևանքով 53 340 ադրբեջանցի դարձավ հարկադիր վերաբնակ, զոհվեց 55 զինվորական և 511 խաղաղ բնակիչ, 321 մարդ գերեվարվեց կամ անհետ կորավ, վիրավորվեցին հազարավոր բնակիչներ:

Այսօր Ադրբեջանի եռագույն դրոշը հպարտորեն ծածանվում է Քելբաջարի շրջանի, ինչպես նաև ազատագրված այլ հողերի վրա։ Քելբաջարի ազատագրման մարտերում արիություն և խիզախություն ցուցաբերած զինծառայողները՝ նախագահ Իլհամ Ալիևի հրամանագրով պարգևատրվել են մեդալներով և շքանշաններով։

Ներկայումս Քելբաջարում վերականգնման աշխատանքներ են ընթանում, կառուցվում են նոր ենթակառուցվածքներ։ Քելբեջարի շրջանի ավելի քան 71 000 բնիկներ անհամբեր սպասում են իրենց տներ վերադարձին:

Zinvor.info