Ինչպես հայտնում է Zinvor.info-ն, այս մասին X սոցիալական ցանցում գրել է Ադրբեջանի ԱԳՆ մամուլի քարտուղար Այխան Հաջիզադեն՝ մեկնաբանելով Փաշինյանի վերջին հրապարակումը։

Նրա խոսքով, նման հայտարարությունները միայն անօգուտ փորձ են՝ շեղելու ուշադրությունը Հայաստանի սահմանադրության մեջ պարունակվող Ադրբեջանի տարածքային ամբողջականության պահանջներից։

«Նախ, թեև Ադրբեջանի Սահմանադրության մեջ հղում է արվում 1991 թվականի Ադրբեջանի Անկախության ակտին, որն իր հերթին վերաբերում է 1918 թվականի Անկախության հռչակագրին, որը սահմանում է ներկայիս Ադրբեջանի Հանրապետությունը որպես 1918-2020 թվականների Դեմոկրատական Հանրապետության իրավահաջորդ, այն ոչ մի պահանջ չի պարունակում հարևան երկրների նկատմամբ: Երկու փաստաթղթերն էլ ընդգծում են ընդհանուր նորմերի ու սկզբունքների պահպանման և բարիդրացիական հարաբերությունների հաստատման կարևորությունը։ Ամենակարևորը՝ 1918 թվականի Անկախության հռչակագրի 3-րդ հոդվածը նշում է, որ Ադրբեջանի Դեմոկրատական Հանրապետությունը մտադիր է լավ հարաբերություններ հաստատել բոլոր ժողովուրդների, հատկապես հարևան ժողովուրդների և պետությունների հետ»,- գրել է Հաջիզադեն։

Գերատեսչության ներկայացուցիչն ընդգծել է, որ Հայաստանի Սահմանադրությունն իր հերթին հիմնված է 1990 թվականի Հայաստանի անկախության հռչակագրում ամրագրված հայոց պետականության հիմնարար սկզբունքների և համազգային ձգտումների վրա, այդ թվում՝ Հայաստանի և Լեռնային Ղարաբաղի վերամիավորման նպատակը։ Այս փաստաթղթում, ինչպես նշել է Հաջիզադեն, Թուրքիայի որոշ տարածքներ կոչվում են նաև «Արևմտյան Հայաստան»։

«Անհերքելի փաստ է, որ այս դրույթը հիմք է ընդունվել Հայաստանի բազմաթիվ օրենսդրական ակտերում, այդ թվում՝ ԱՊՀ-ի (Ալմաթի) հիմնադիր համաձայնագրի վավերացման մասին երկրի խորհրդարանի 1992թ. փետրվարի 18-ի որոշումը և 1992 թ. հուլիսի 8-ի որոշումը: Նույն տրամաբանությունն ու մոտեցումը կիրառվել է նաև Ադրբեջանի և Հայաստանի միջև սահմանային հանձնաժողովների՝ 2024 թվականի սեպտեմբերի 26-ի Հայաստանի Սահմանադրությանը համապատասխանության վերաբերյալ դատական որոշում կայացնելիս»,- ասել է նա։