Այխան Հաջիզադեն արձագանքել է Գերմանիայի ԱԳՆ հայտարարությանը

Այխան Հաջիզադեն արձագանքել է Գերմանիայի ԱԳՆ հայտարարությանը

10:00 26 09 2024

Մեկ տարի առաջ Ադրբեջանը վերջ դրեց Հայաստանի անօրինական ռազմական ներկայությանը և նրա անջատողական ռեժիմին Ղարաբաղի շրջանում։ «Լեռնային Ղարաբաղ» կոչվող տարածաշրջան կամ կազմավորում գոյություն չունի։

Ինչպես հայտնում է Zinvor.info-ն, այս մասին X սոցիալական ցանցում գրել է Ադրբեջանի ԱԳՆ մամուլի քարտուղար Այխան Հաջիզադեն՝ ի պատասխան Գերմանիայի արտաքին գործերի նախարարության հայտարարության:

Նա հիշեցրել է, որ հակամարտությունը սկսվել է 30 տարի առաջ Հայաստանի ռազմական ագրեսիայով և ադրբեջանցիների դեմ էթնիկ զտումներով. «Հակամարտությունն ավարտվեց նրանով, որ Ադրբեջանը վերականգնեց իր տարածքային ամբողջականությունն ու ինքնիշխանությունը»։

Այխան Հաջիզադեն հավելել է, որ հայերը ինքնակամ են լքել Ղարաբաղի շրջանը, դա նրանց ընտրությունն է. «Ադրբեջանը հայերին կոչ է արել չլքել իրենց բնակության վայրը։ Հիմա խաղաղության ժամանակն է։ Հուսով ենք, որ Հայաստանը կպատասխանի Ադրբեջանի բարի կամքի քայլերին և կհրաժարվի հարևան պետությունների տարածքի նկատմամբ պահանջներից ոչ միայն խոսքով, այլև գործով»։

Zinvor.info

Հեշթեգներ. Այխան-Հաջիզադե

Նման լուրեր