Ինչպես հայտնում է Zinvor.info-ն, նամակում ասվում է. «Գրում եմ ձեզ 2024 թվականի ապրիլի 19-ին Անվտանգության խորհրդի նիստում Ադրբեջանի և Հայաստանի հարաբերությունների վերաբերյալ Ֆրանսիայի ներկայացուցչի կողմից արված անհիմն և ապակողմնորոշիչ մեկնաբանությունների կապակցությամբ «Եվրոպայում անվտանգության և համագործակցության կազմակերպության ներկայիս նախագահի ճեպազրույցը» կետի հետ կապված։

Հատկանշական է, որ այս մեկնաբանություններն արվել են հենց այն օրը, երբ Ադրբեջանն ու Հայաստանը շոշափելի առաջընթաց գրանցեցին սահմանների սահմանազատման հարցում։ Այս իրադարձությունը հատկապես կարևոր է, քանի որ այն ուղիղ երկխոսության և բանակցությունների արդյունք էր և ապահովեց 1990-ականների սկզբից հայկական օկուպացիայի տակ գտնվող չորս գյուղերի Ադրբեջանին խաղաղ վերադարձը։ Նույնքան կարևոր է, որ բանակցությունները և դրանց արդյունքները ցույց տվեցին մնացած հարցերը ուժով լուծելու Բաքվի ենթադրյալ ծրագրերի մասին ակտիվորեն տարածվող վարկածի կեղծ լինելը։

Հարավային Կովկասում տիրող իրավիճակի և գործընթացների մասին միջազգային հանրությանը սուտ տեղեկություններ փոխանցելու վրա ժամանակ ծախսելու փոխարեն Ֆրանսիան պետք է դադարեցնի և հրաժարվի տարածաշրջանում իր ապակայունացնող գործողություններից և Ադրբեջանի ներքին գործերին միջամտելուց»։

Zinvor.info