Ինչպես հաղորդում է Zinvor.info-ն, դիվանագետն ասել է.

«Ֆրանսիայի Եվրոպայի և արտաքին գործերի նախարարության պնդումները Ֆրանսիայի քաղաքացու անհիմն ձերբակալման վերաբերյալ, որևէ հիմք չունեն։ Այս անհիմն հայտարարությունը իրականության խեղաթյուրում է, Ադրբեջանի ներքին գործերին և օրինական հետաքննության գործընթացին միջամտելու հերթական փորձ:

Ֆրանսիայի Հանրապետության քաղաքացի Մարտին Ռիանը դեկտեմբերի 4-ին բերման է ենթարկվել ԱՀ ՔՕ 276-րդ հոդվածով նախատեսված արարք (լրտեսություն) կատարելու կասկածանքով։ Ավելի ուշ դատարանի որոշմամբ նրա նկատմամբ խափանման միջոց է ընտրվել կալանավորումը՝ 4 ամիս ժամկետով։

Ադրբեջանական կողմը, միջոցներ ձեռնարկելով Ֆրանսիայի հիշյալ քաղաքացու նկատմամբ, ամբողջությամբ պահպանել է ազգային օրենսդրությունը և իր միջազգային պարտավորությունները։ Կասկածյալի ձերբակալությունից հետո Ֆրանսիայի դեսպանատան հյուպատոսական աշխատակիցները մի քանի անգամ այցելել են նրան և լիովին տեղյակ են քրեական գործին։

Բացի այդ, չնայած այն հանգամանքին, որ Ադրբեջանի արտաքին գործերի նախարարությունը բանավոր նոտա է ուղարկել Ադրբեջանում Ֆրանսիայի դեսպանատուն՝ ուսումնասիրելու նշված անձի և Ֆրանսիայի դեսպանատան երկու աշխատակիցների համագործակցության հարցը, ֆրանսիական կողմը հրաժարվել է որևէ բացատրություն տալուց և համագործակցելուց։ Այդ կապակցությամբ դեսպանատան նշված երկու աշխատակիցներն Ադրբեջանի կողմից հայտարարվել են անցանկալի անձինք։

Մենք ևս մեկ անգամ կոչ ենք անում ֆրանսիական կողմին դադարեցնել միջամտությունը Ադրբեջանի ներքին գործերին և այդ քննչական միջոցառումներին»։