Ֆրանսիան շարունակում է զինել Հայաստանին

Ֆրանսիան շարունակում է զինել Հայաստանին

10:33 04 12 2023

Հայաստան է ուղարկվել ֆրանսիական Arquus ընկերության կողմից արտադրված Bastion տիպի 24 զրահամեքենա։

Ինչպես հայտնում է Zinvor.info-ն, դրանց պետք է ավելացվի ևս 26 նույն տեսակի ավտոմեքենա, որոնք ներկայումս գտնվում են արտադրության փուլում։

Հայաստանը վերջերս Thales-ից երեք GM2 200 ռադարների պատվեր է ստորագրել, և բանակցություններ են ընթանում՝ MISTRAL 3 զենիթահրթիռային համակարգերի մատակարարման շուրջ։

Հիշեցնենք, որ 2023 թվականի հոկտեմբերի 23-ին Ֆրանսիայի պաշտպանության նախարար Սեբաստիան Լեկորնուն ասել էր, որ Ֆրանսիան օգնում է Հայաստանին բարելավել իր հակաօդային պաշտպանության հնարավորությունները՝ երեք GM 200 ռադարների վաճառքի և «Միստրալ» զենիթահրթիռային հրթիռների ապագա մատակարարումների մասին համաձայնագրի միջոցով։ Նա նաև նշել է, որ Ֆրանսիան կօգնի Հայաստանին նախապատրաստել իր ցամաքային պաշտպանական ուժերը և կաջակցի երկրի՝ զինված ուժերը բարեփոխելու և արդիականացնելու ջանքերին։

Ֆրանսիայի և Հայաստանի պաշտպանության նախարարները պայմանագիր են ստորագրել՝ Thales-ի արտադրության երեք GM 200 ռադարների վաճառքի մասին և փոխըմբռնման հուշագիր՝ ֆրանսիական «Միստրալ» փոքր հեռահարության հակաօդային պաշտպանության համակարգերի ապագա մատակարարման վերաբերյալ։

Zinvor.info

Zinvor.info

Հեշթեգներ. Ֆրանսիա Հայաստան

Նման լուրեր