Ինչպես հայտնում է Zinvor.info-ն, այս մասին հայտարարել է Ադրբեջանի աշխատանքի և բնակչության սոցիալական պաշտպանության նախարարության սոցիալական ապահովագրության և կենսաթոշակային քաղաքականության վարչության պետ Էլնուր Աբբասովը՝ Միլլի Մեջլիսի Աշխատանքի և սոցիալական քաղաքականության հանձնաժողովի այսօրվա նիստում «Աշխատանքային կենսաթոշակների մասին» օրենքում առաջարկվող փոփոխությունների առաջին ընթերցմամբ քննարկման ժամանակ։

Էլնուր Աբբասովն ասել է, որ 2024 թվականի հունվարի 1-ից հետո ցանկացած զինծառայող, ով 20-ից 25 օրացուցային տարի անցկացրել է զինվորական ծառայության մեջ, կկարողանա թոշակի անցնել նախկին չափանիշներին համապատասխան, այսինքն՝ կստանա 20 օրացուցային տարում ստացած նյութական ապահովման 50 տոկոսը։

«Միևնույն ժամանակ, նախկին նորմերով կենսաթոշակի իրավունք կարող են ստանալ նաև այն անձինք, ովքեր ծառայել են մինչև 2024 թվականի հունվարի 1-ը 17 օրացուցային տարի։ Բայց դրանց հետ կապված մի պայման կա՝ պետք է սպասեն, մինչև 20 օրացուցային տարի անցնի։ Օրինակ՝ 2027 թվականի հունվարի 1-ին կարող են դիմում գրել, զորացրվել բանակից և թոշակի անցնել, ընդ որում՝ նրանք կստանան ֆինանսական ապահովման 50 տոկոսը՝ գործող չափանիշներով կուտակված հավելավճարներով»։

Zinvor.info