«Հրապարակ». Փաշինյանն ազդարարում է նոյեմբերի 9-ի հայտարարության 9-րդ կետի չեղարկման մասին

12:51 01 11 2023

«Դեռ ամիսներ առաջ Նիկոլ Փաշինյանը կուսակցական նեղ կազմին ասել էր, որ չեղարկելու են 2020 թվականի նոյեմբերի 9-ի եռակողմ հայտարարության 9-րդ կետը, որով սահմանվում է ճանապարհների ապաշրջափակում և նշվում, որ «տրանսպորտային հաղորդակցության նկատմամբ վերահսկողությունն իրականացնում են Ռուսաստանի ԱԴԾ սահմանապահ ծառայության մարմինները»:

Zinvor.info-յի փոխանցմամբ՝ «Հրապարակ»-ը տեղեկացնում է, որ այդ մասին գրել է մի քանի ամիս առաջ:

«Տևական ժամանակ է՝ Փաշինյանն այդ մասին թափանցիկ ակնարկներ էր անում, տողատակերում փորձում ասելիքը տեղ հասցնել, սակայն նախօրեին՝ 2024 թ. բյուջեի նախագծի քննարկման ժամանակ, նա գրեթե բաց տեքստով հայտարարեց այդ մասին՝ ասելով, որ ԱԱԾ-ում հատուկ ստորաբաժանում է ստեղծվելու, որի նպատակը կոմունիկացիաների անվտանգության ապահովումն է լինելու։

Բացի այս, իշխանությունները երկրի ողջ տարածքով գործարկել են պարեկային ոստիկանությունը, որի կարևորագույն խնդիրների մեջ է մտնում նաև կոմունիկացիաների, անձանց, բեռների, ապրանքների, տրանսպորտային միջոցների անցումը հանրապետության տարածքով»,- գրում է թերթը:

Zinvor.info

Հեշթեգներ. Փաշինյան Հրապարակ

Նման լուրեր