Ինչպես հայտնում է Zinvor.info-ն, այս օրը Ադրբեջանում նշվում է առաջին անգամ։

Նախագահ Իլհամ Ալիևի այս տարվա հուլիսի 31-ին ստորագրած հրամանագրի համաձայն՝ Զանգիլանի օրը հանդիսավոր կերպով նշվելու է ամեն տարի հոկտեմբերի 20-ին։ Այս նշանակալից ամսաթիվը կապված է քաղաքի օկուպացիայից ազատագրման հետ։

2020 թվականի հոկտեմբերի 20-ին Ադրբեջանի նախագահ, Զինված ուժերի Գերագույն գլխավոր հրամանատար Իլհամ Ալիևը ժողովրդին ուղղված ուղերձում հայտարարեց Զանգիլան քաղաքի և շրջանի ևս 6 գյուղերի՝ Հավալը, Զերնելի, Մամեդբեյլի, Հաքարի, Շարիֆան և Մուղանլը գյուղերի ազատագրման մասին։

Հոկտեմբերի 20-ին բազմամյա օկուպացիայից ազատագրվել են նաև Ֆիզուլիի շրջանի Դորդչինար, Քյուրդլեր, Յուխարը Աբդուռահմանլը, Գարղաբազար, Աշաղի Վեյսելլի, Յուխարը Այբասանլը, Ջաբրայիլի շրջանի Սաֆարշա, Հասանգայդը, Ֆուգանլը, Իմամբաղը, Դաշ Վեյսելլի, Աղթեփե, Յարահմեդլի և Խոջավենդի շրջանի Աղջաքենդ, Մուլքուդերե, Դաշբաշը և Չինարլը գյուղերը։ Ազատագրված բոլոր տարածքներում բարձրացվել է Ադրբեջանի եռագույն դրոշը։

Ադրբեջանական բանակի հաղթանակով պսակված Զանգիլանի համար մղվող մարտերը մեր երկրի պատմության և Արազ գետի երկայնքով հարավային ճակատում տեղի ունեցած ռազմական գործողությունների ևս մեկ փառավոր էջ են։

Zinvor.info