Այս մասին Բաքվի Ռամանա բնակավայրում նահատակների ընտանիքի անդամների և պատերազմի հաշմանդամների հետ հանդիպման ժամանակ հայտարարել է Նախագահ Իլհամ Ալիևը, տեղեկացնում է
Zinvor.info-ն:
Երկրի ղեկավարն ասել է. «Սակայն Մինսկի խմբի համանախագահող երկրների բարձրաստիճան պաշտոնյաները բազմիցս ասել են, որ հակամարտությունը ռազմական լուծում չունի: Բայց մենք տեսանք, որ հակամարտությունը խաղաղ լուծում չունի: Ես ասացի, որ մենք երբեք թույլ չենք տա ստեղծել երկրորդ այսպես կոչված հայկական պետություն մեր հողի վրա, և մենք դա թույլ չտվեցինք »:
«Երբ ես դիմեցի Ադրբեջանի ժողովրդին Շուշայի Ջըդըր դաշտում, ես ասացի, որ երբ ես իշխանության եկա 2003 թվականին, այսօր 25-30 տարեկան մարդիկ երեխաներ էին: Մենք նրանց դաստիարակեցինք հայրենասիրության, պետության հանդեպ հավատարմության ոգով, և նրանք ազատագրեցին մեր հողերը զավթիչներից: Բացի այդ, երիտասարդները, ովքեր երբեք չեն եղել գրավյալ տարածքներում, բայց ծագումով այդ տարածքներից էին, առյուծների պես կռվում էին իրենց հողերի համար: Ադրբեջանի ողջ ժողովուրդը, Ադրբեջանում ապրող բոլոր ժողովուրդների ներկայացուցիչները մի բռունցքով միավորվեցին, ջախջախեցին թշնամուն և ազատագրեցին մեր հողերը բռնազավթումից: Սա պատմական իրադարձություն է: Ադրբեջանի պատմության մեջ այսպիսի փայլուն հաղթանակ երբեք չի եղել: Ադրբեջանը ցույց տվեց իր ուժը ամբողջ աշխարհին, մեր ժողովրդի կամքը: Եվս մեկ անգամ, ամբողջ աշխարհը տեսավ, որ եթե կա կամք, եթե կա ուժ, եթե կա մարդկանց և իշխանության միասնություն, եթե կա վճռականություն և համարձակություն, արդարությունն իր տեղը գտնում է: Մենք դա ցույց տվեցինք », - ասաց պետության ղեկավարը: