Ըստ Zinvor.info-յի՝ այս մասին ասվում է Արևմտյան Ադրբեջանի Համայնքի հայտարարության մեջ։ «Մի շարք երկրներ իրենց ազգային գործելակերպով և միջազգային իրավունքին հակասող գործողություններով, իրենց երկակի ստանդարտներով ավելի են դրդում Հայաստանին՝ վարել ռասայական խտրականության քաղաքականություն։ Այդ երկրներից մեկը Ֆրանսիան է։ Էթնիկ և կրոնական փոքրամասնությունների նկատմամբ Ֆրանսիայի անհանդուրժողականության քաղաքականությունը խիստ մտահոգիչ է։ Այն փաստը, որ Ֆրանսիան, որտեղ ապրում են էթնիկ և կրոնական փոքրամասնությունների մեծ թվով ներկայացուցիչներ, չի ճանաչում նրանց իրավունքները, ռեպրեսիվ գործողություններ է կատարում նրանց նկատմամբ, հրաժարվում է միանալ՝ Ազգային փոքրամասնությունների մասին Եվրոպայի խորհրդի շրջանակային կոնվենցիային, խիստ մտահոգիում է մեր համայնքին, որը նույնպես տուժել է զանգվածային օրինախախտումներից։

Ֆրանսիան ակնհայտորեն ձգտում է հասնել մոնոէթնիկ հասարակության։ Այս առումով ակնհայտ են պատճառները, թե ինչու է Ֆրանսիան աջակցում Հայաստանի բոլոր գործողություններին, որոնք խախտում են մարդու իրավունքները։ Նույն կերպ Ֆրանսիան անտեսում է Հայաստանի տարածքում ադրբեջանական մշակութային ժառանգության ոչնչացման հետ կապված կոչերը, այնտեղ ՅՈՒՆԵՍԿՕ-ի հետազոտական առաքելություն ուղարկելու խնդրանքները։ Բացի այդ, Ֆրանսիան փորձում է ճնշում գործադրել Ադրբեջանի վրա, որի տարածքում հարմարավետ ապրում են մեծ թվով ազգային փոքրամասնություններ, և արդարացնում է Հայաստանի տարածքային պահանջները։

Մենք կոչ ենք անում Ֆրանսիային՝ դադարեցնել իր տարածքում ազգային և կրոնական փոքրամասնությունների նկատմամբ խտրականության քաղաքականությունը, անհապաղ միանալ ազգային փոքրամասնությունների վերաբերյալ Եվրոպայի խորհրդի շրջանակային կոնվենցիային, կատարել իր պարտավորությունները՝ որպես ՄԱԿ-ի Անվտանգության խորհրդի մշտական անդամ, աջակցել Հայաստանից վտարված ադրբեջանցիների անվտանգ և արժանապատիվ վերադարձին իրենց տներ»,- ասված է հայտարարության մեջ։