Պաշտպանության նախարարը ստուգել է մի շարք զորամասերի մարտական պատրաստությունը - ՏԵՍԱՆՅՈՒԹ+ԼՈՒՍԱՆԿԱՐՆԵՐ
10:35
03 01 2023
Ադրբեջանի Հանրապետության նախագահ, Զինված ուժերի Գերագույն գլխավոր հրամանատար Իլհամ Ալիևի հանձնարարությամբ՝ հունվարի 2-ին պաշտպանության նախարար Զաքիր Հասանովը և նախարարության ղեկավար կազմը այցելել են ցամաքային զորքերի տանկային և հրետանային զորամասեր:
Այս մասին հայտնում է Zinvor.info-ն՝ Ադրբեջանի Պաշտպանության նախարարությանը հղումով։
Պաշտպանության նախարարը ծաղիկներ է դրել՝ նահատակների հիշատակին այստեղ կանգնեցված հուշարձանի մոտ։
Սպառազինության մեջ գտնվող տանկային և հրետանային կայանքների զննում է անցկացվել, ստուգվել են մարտական հաշվարկների տեսական, գործնական գիտելիքները և մարտական պատրաստվածությունը։
Ծանոթանալով զորամասի սիմուլյացիոն կենտրոնի ուսումնական և նյութական բազային, Զ.Հասանովը տվել է համապատասխան հանձնարարականներ։
Այնուհետև պաշտպանության նախարարը՝ նախարարության ղեկավար կազմի հետ այցելել է ռազմաօդային ուժերի անօդաչու թռչող սարքերի (ԱԹՍ) զորամաս։
Պաշտպանության նախարարը զննել է անօդաչու թռչող սարքերը, հետաքրքրվել է դրանց տեխնիկական վիճակով, ստուգել հաշվարկների պատրաստվածության մակարդակը։