Քաղաքական երկխոսություններ Ադրբեջանի և Իսրայելի ԱԳ նախարարությունների միջև
ԱԳՆ-ից
Zinvor.info-յին հայտնել են, որ այցի շրջանակներում անցկացվել է Ադրբեջանի և Իսրայելի արտաքին գործերի նախարարությունների միջև քաղաքական խորհրդակցությունների հերթական փուլը։
Ադրբեջանի կողմից քաղաքական խորհրդակցությունները վարել է փոխարտգործնախարար Ֆարիզ Ռզաևը, իսկ Իսրայելի կողմից՝ արտաքին գործերի նախարարության քաղաքական տնօրինության ղեկավար, դեսպան Ալիզա Բին Նունը։
Խորհրդակցությունների ընթացքում քննարկվել են երկկողմ հարաբերությունների ներկա վիճակը և զարգացման հեռանկարները քաղաքական, տնտեսական և հումանիտար ոլորտներում, Իսրայելում Ադրբեջանի դեսպանության բացման հետ կապված հարցեր։
Ադրբեջանական պատվիրակությունը նաև հանդիպել է Իսրայելի ԱԳՆ գլխավոր տնօրեն Ալոն Ուշպիզի հետ: