Ինչպես հաղորդում է
Zinvor.info-ն, այս մասին՝ Ալբանիայի նախագահ Բայրամ Բեգայի հետ մամուլի համար համատեղ հայտարարության ժամանակ հայտարարել է Ադրբեջանի նախագահ Իլհամ Ալիևը։
«Մենք երկար տարիներ ակտիվորեն մասնակցել ենք Աֆղանստանում ՆԱՏՕ-ի գործողություններին։ Կարելի է ասել, որ մենք ՆԱՏՕ-ին չանդամակցող երկրների շարքում առաջինների ենք, որոնք միացել են խաղաղապահ առաքելությանը և եղել ենք երկու երկրներից մեկը, որոնք վերջինն են լքել Աֆղանստանը: Սա մեր պատասխանատվության ցուցանիշն է։ Ալբանիան, որպես ՆԱՏՕ-ի անդամ, միշտ մեծ աջակցություն է ցուցաբերել ՆԱՏՕ-ի և Ադրբեջանի կապերին»,- ընդգծել է նախագահը։
Ադրբեջանի նախագահը նաև Ալբանիայի նախագահ Բայրամ Բեգային հրավիրել է պաշտոնական այց կատարել Ադրբեջան։