Ինչպես Zinvor.info-յին հայտնել են Ադրբեջանի Գլխավոր դատախազության մամուլի ծառայությունում, հայտարարության մեջ ասվում է.

«Հայտարարում ենք, որ Հայաստանի Հանրապետության զինված ուժերը, խախտելով միջազգային իրավունքի նորմերը և սկզբունքները, կրակի են ենթարկել քաղաքացիական ենթակառուցվածքի օբյեկտները՝ հակամարտության գոտուց և Ադրբեջանի մերձճակատային գոտուց հեռու գտնվող քաղաքներում և շրջաններում, մասնավորապես՝ բնակելի շենքերը, հիվանդանոցները, բժշկական կենտրոնները, դպրոցների շենքերը, մանկապարտեզները, պետական հիմնարկների վարչական շենքերը, գյուղատնտեսական նշանակության հողերը։ Հայաստանի զինված ուժերը կատարել են մարդկության խաղաղության և անվտանգության դեմ ուղղված հանցագործություններ, ինչպես նաև ռազմական հանցագործություններ՝ տարբեր տեսակի զենքերից, բալիստիկ հրթիռներից, ինչպես նաև արգելված հրետանային զենքերից գնդակոծության միջոցով։ Պատերազմի հետ կապ չունեցող խաղաղ բնակիչները գազանաբար սպանվել են։ Մեծ վնասներ են հասցվել քաղաքացիական բնակչությանը, պետական գույքին, այդ թվում՝ ենթակառուցվածքային օբյեկտներին, ինչպես նաև ձեռնարկատիրական սուբյեկտներին։

Ադրբեջանի Հանրապետության Գլխավոր դատախազությունը ևս մեկ անգամ կոչ է անում միջազգային կազմակերպություններին և ամբողջ համաշխարհային հանրությանը՝ ապահովել միջազգային իրավունքի գերակայությունը՝ իրավական պատասխանատվության իրավական միջոցներ ձեռնարկելով Հայաստանի և նրա ռազմաքաղաքական ղեկավարության դեմ, որոնք հանցագործություններ են կատարել մարդկության խաղաղության և անվտանգության դեմ, ինչպես նաև ռազմական հանցագործություններ, որոնք հանգեցրել են Ադրբեջանի խաղաղ բնակչության սպանությանը»: