Հայերի զբաղեցրած դիրքերը հնարավորություն էին տալիս նաև ամբողջությամբ վերահսկել լեռնային Բալա Գոյչե լիճը։

Սակայն այժմ այդ բարձունքը, և որպես հետևանք՝ հարակից բոլոր տարածքները՝ ներառյալ վերոհիշյալ լիճը, գտնվում են ադրբեջանական բանակի վերահսկողության տակ։ Ինժեներա-ամրակայման զորքերը մաքրում են Բուղդադաղի շրջակայքը ականներից և անցկացնում մատակարարման նոր ուղիներ: Ազատագրված բարձունքում իրականացվում են ամրացման աշխատանքներ:

Այս բարձունքից AzTV-ի (https://t.me/UDudaka/51190) պատրաստած ռեպորտաժը պատմում է, թե ինչպես են ադրբեջանական հատուկ ջոկատայինները ազատագրել Բուղդադաղի բարձունքը՝ շարժվելով լեռնային անանցանելի արահետներով, ձորերով, լեռնային գետի հունով։

Ժամանակին այս բարձունքի ուղղությամբ դիրքավորվեր է գեներալ Փոլադ Հաշիմովի բրիգադը։ Զինվորականներն ասում են, որ այն ժամանակ Հաշիմովը մեծ աշխատանք է կատարել՝ դեպի ադրբեջանական դիրքեր մատակարարման ուղիներ անցկացնելու և հենակետերի ամրապնդման ուղղությամբ։

«Գեներալն ամենից շատ երազում էր Բուղդադաղ բարձունքի ազատագրման մասին»,- հիշում է սպաներից մեկը, ով այդ ժամանակ ծառայում էր Փոլադ Հաշիմովի հետ։

Բուղդադաղի վրա տեղակայված էր հայկական բանակի ականանետային զորամաս, տեղադրված էին խոշոր տրամաչափի գնդացիրներ։ 30 մետր բարձրության վրա տեղադրված ջերմային տեսախցիկը հնարավորություն էր տալիս վիզուալ վերահսկողության տակ պահել ադրբեջանական տարածքները մինչև 30 կիլոմետր խորության վրա, վերահսկել ադրբեջանական բանակի բոլոր տեղաշարժերը։ Բարձունքի ազատագրման մարտերի մասնակից սպաներից մեկն ասում է, որ այս տեսախցիկի հիշողությունն ուսումնասիրելիս պարզվել է, որ այնտեղ կան ադրբեջանական բանակի գործողությունների կադրեր։