Թուրքական Pegasus ավիաընկերությունը Ստամբուլ-Երեւան-Ստամբուլ չվերթների կատարման հայտ է ներկայացրել
|
|
Թուրքական Pegasus ավիաընկերությունը դիմել է Հայաստանի Քաղաքացիական ավիացիայի կոմիտեին՝ Ստամբուլ-Երեւան-Ստամբուլ չվերթների կատարման թույլտվություն ստանալու համար։ Այս մասին երեքշաբթի ՏԱՍՍ-ի թղթակցին տեղեկացրել է Հայաստանի տարածքային կառավարման եւ ենթակառուցվածքների նախարարության մամուլի քարտուղար Սոնա Հարությունյանը։
|
«Pegasus-ը շաբաթը երկու չվերթի իրականացման հայտ է ներկայացրել՝ սկսած փետրվարից»,- նշել է նա՝ ավելացնելով, որ Քաղաքացիական ավիացիայի կոմիտեն սկսել է դիտարկել հայտերը եւ որոշում կընդունի խելամիտ ժամկետներում։
Ավելի վաղ Flyone Armenia հայկական ավիաընկերությունը ստացել էր տեղի ավիացիոն իշխանությունների թույլտվությունը Երեւան-Ստամբուլ-Երեւան չարթերային թռիչքների իրականացման համար եւ սպասում է թուրքական կողմի համանման որոշմանը։
Հեշթեգներ.
Թուրքիա
Հայաստան