Հետեւում ենք Սիրիայում եւ Ղարաբաղում տիրող իրավիճակին. Շոյգու

Հետեւում ենք Սիրիայում եւ Ղարաբաղում տիրող իրավիճակին. Շոյգու

11:47 03 09 2021

«Ամեն ժամ օդում են գտնվում ռուսական ռազմական գերատեսչության մի քանի տասնյակ ինքնաթիռներ, որոնց տեղաշարժերը, ինչպես նաեւ իրավիճակը Սիրիայում, Լեռնային Ղարաբաղում եւ աշխարհի այլ շրջաններում վերահսկվում է Պաշտպանության կառավարման ազգային կենտրոնի կողմից: Մենք միաժամանակ, օրվա ցանկացած ժամի, մոտ 16-20 գնացք ունենք, որոնք կամ մեր բեռներով, կամ մարդկանցով մեկնում են երկրի տարբեր մասեր: Միաժամանակ օդում գտնվող 70 ինքնաթիռ: Ընդհանուր առմամբ, այստեղ այն ամենն է, ինչ վերաբերում է բանակի կյանքին»:

Այս մասին հայտարարել է ՌԴ պաշտպանության նախարար Սերգեյ Շոյգուն երիտասարդներին՝ «Նոր գիտելիք» կրթական մարաթոնի շրջանակներում:

Հանդիպումը տեղի է ունեցել Պաշտպանության կառավարման ազգային կենտրոնում: Նախարարի խոսքով՝ այդտեղից է կատարվում զինված ուժերի վերահսկողությունը Ռուսաստանի տարածքում եւ դրանից դուրս:

«Սա կառավարման կենտրոնի համակարգ է. կառավարվում են զինված ուժերի, նավատորմի, բանակի կյանքի բոլոր ոլորտները ինչպես մեր երկրում, այնպես էլ արտերկրում: Սա Ռուսաստանի Դաշնության Պաշտպանական կառավարման ազգային կենտրոնն է: Այն բաղկացած է մի քանի մասերից: Գլխավորն, իհարկե, ամենօրյա կառավարման կենտրոնն է, մարտական կառավարման կենտրոնը: Այստեղից մենք կառավարում ենք մեր ողջ նավատորմը, բեռների տեղաշարժը, բանակի ապահովումը, Սիրիայում լայնածավալ աշխատանքի ապահովումը, մեր բազաները Ղրղզստանում, Հայաստանում, խաղաղապահ ուժերը Լեռնային Ղարաբաղում, թիկունքային ապահովման աշխատանքները», - ասել է Շոյգուն:

Zinvor.info

Հեշթեգներ. Սիրիա Ղարաբաղ

Նման լուրեր