Zinvor.info-յի ձեռք բերած տեղեկությունների համաձայն՝ շենքի զննման ընթացքում պատերին մաշվածություն և տարբեր վնասվածքներ հայտնաբերվելու պատճառով այստեղ լայնամասշտաբ վերակառուցման աշխատանքներ են իրականացվել։ Հիմնանորոգումից հետո կենտրոնը վերակառուցվել է ժամանակակից չափանիշներին համապատասխան և բացվել շահագործման համար։

Եռահարկ շենքում անհրաժեշտ պայմաններ են ստեղծվել կինոյի և բեմական գործունեության, տարբեր մշակութային-զանգվածային միջոցառումների կազմակերպման, դասընթացների ու ստեղծագործական պարապմունքների անցկացման, վարչական կառավարման և զբոսաշրջային ուղղվածության ծառայությունների մատուցման համար։

Կենտրոնում գործելու են բազմաֆունկցիոնալ գոտի, որտեղ կգործեն տարբեր ոլորտների խմբակներ, դիմահարդարման սենյակներ, ակտերի և կինոդահլիճներ, դրամարկղ, հուշանվերների խանութ ու բուֆետ։

Բացի այդ, այստեղ բարձրակարգ պայմաններ են ստեղծվել ֆիլմերի ցուցադրությունների, ներկայացումների, շնորհանդեսների, համերգների, պաշտոնական հանդիպումների և այլ մշակութային-զանգվածային միջոցառումների անցկացման համար։ Մշակույթի կենտրոնում գործելու է նաև 348 տեղանոց հանդիսատեսի դահլիճ։

Նշվել է, որ կենտրոնի գործունեությունը կարևոր դեր կխաղա Խանքենդիյի մշակութային կյանքի աշխուժացման գործում և կդառնա քաղաքում անցկացվելիք զանգվածային միջոցառումների հիմնական վայրերից մեկը։