Պեսկովը արձագանքել է սահմանին ռուս սահմանապահներ տեղակայելու առաջարկը

15:20 29 07 2021

Կրեմլում տեղյակ են հայ-ադրբեջանական սահմանին լարվածության մասին և աշխատում են կողմերի հետ։

Zinvor.info-ն հայտնում է, որ այս մասին ասել է Ռուսաստանի նախագահի մամուլի քարտուղար Դմիտրի Պեսկովը։

«Մենք գիտենք, որ երեկ հայ-ադրբեջանական սահմանին լարվածություն է եղել։ Եվ դուք գիտեք, որ Ռուսաստանի ներկայացուցիչները մեծ ջանքեր են գործադրել, որպեսզի հրադադարի ռեժիմը վերականգնվի։ Աշխատանքը շարունակվում է»,- ասել է Պեսկովը՝ պատասխանելով լրագրողների հարցին, թե Մոսկվան պատրաստ է պահպանության տակ առնել հայկական սահմանը և արդյոք չի վախենում Ադրբեջանի հետ հարաբերությունների սրումից:

«Ռուսաստանը շարունակում է իր շփումները Երևանի և Բաքվի հետ, որպեսզի լիարժեք ապահովի եռակողմ պայմանավորվածությունների իրականացումը»,- նշել է ՌԴ նախագահի մամուլի քարտուղարը։

Փաշինյանի առաջարկը կատարելու պատրաստակամության վերաբերյալ ճշտող հարցին ի պատասխան` Պեսկովն ասել է․ «Երևանի հետ շփումները շարունակվում են»։

Zinvor.info

Հեշթեգներ. Պեսկով Ադրբեջան Հայաստան

Նման լուրեր