Ինչպես հաղորդում է Zinvor.info-ն՝ հայկական լրատվամիջոցներին հղումով, այս մասին ասել է՝ ընդդիմադիր «Հայաստան» խմբակցության պատգամավոր Արթուր Խաչատրյանը։

«Եթե ուսումնասիրեք արտաքին պարտքի կառուցվածքը, ապա ակնհայտ կդառնա, որ եթե նախկինում կառուցվածքում գերակշռում էին ծրագրային վարկերը, այսինքն՝ կոնկրետ աշխատանքների իրականացման համար տրամադրվող վարկերը, ապա այժմ գնալով ավելի են ներգրավվում բյուջետային աջակցության վարկերը։ Վարկերի այս կատեգորիան ավելի թանկ է, տրվում է համեմատաբար կարճ ժամկետով և գործնականում անվերահսկելի է։ Ծրագրային վարկերում վերահսկողական բաղադրիչը շատ էական է եղել: Օրինակ՝ Ասիական զարգացման բանկի, Համաշխարհային բանկի, ՎԶԵԲ-ի վարկերը շատ խիստ վերահսկվում էին և ունեին նաև հստակ հակակոռուպցիոն բաղադրիչներ»,- ասել էպատգամավորը։

Նա նշել է, որ արտաքին պարտքի կառուցվածքի փոփոխությունը՝ վերջին տարիներին դրա զգալի աճի ֆոնին, հուշում է, որ իշխանությունները որդեգրել են պարտքի սպասարկման ռազմավարություն՝ նոր պարտքեր ներգրավելու միջոցով։ Նա նշել է, որ միայն այս տարվա առաջին եռամսյակում կառավարությունը 125 մլրդ դրամ է վճարել միայն արտաքին պարտքը սպասարկելու համար։

«Բյուջետային ծախսերի կառուցվածքում մեր ամենամեծ հոդվածը կենսաթոշակներն են, պաշտպանությունը և արտաքին պարտքի սպասարկումը»,- հայտարարել է Խաչատրյանը։ Միաժամանակ արտաքին պարտքի նման մակարդակ ունեցող պետության կառավարությունը 2,4 մլրդ դրամ է հատկացնում կառավարության անդամներին սպասարկող մեքենաների թարմացման համար։

Zinvor.info