Ադրբեջանը բողոքի նոտա է հղել Արգենտինային

Ադրբեջանը բողոքի նոտա է հղել Արգենտինային

17:30 11 09 2023

Սեպտեմբերի 11-ին Ադրբեջանում Արգենտինայի դեսպան Մարիանխելես Բելուշին կանչվել է ԱԳՆ։

Այս մասին Zinvor.info-յին հայտնել են Ադրբեջանի ԱԳՆ-ից։

Հանդիպման ընթացքում դեսպանին բողոքի նոտա է հանձնվել այն կապակցությամբ, որ Արգենտինայի նախագահ Ալբերտո Ֆերնանդեսը կանխակալ կարծիքներ է հայտնել Ադրբեջանի դեմ սեպտեմբերի 10-ին Նյու Դելիում G20-ի գագաթնաժողովի ժամանակ։

«Նշվել է, որ նման կեղծ մեղադրանքները, որոնք հիմնված են Հայաստանի կողմից Ադրբեջանի դեմ իրականացվող զրպարտչական արշավի վրա, խեղաթյուրում են տարածաշրջանի իրողությունները և ուղղված են Ադրբեջանի ինքնիշխանության և տարածքային ամբողջականության դեմ, ափսոսանք են առաջացնում:

Ընդգծվել է, որ հայկական կողմը մերժել է հայ բնակիչների կարիքները հոգալու համար այլընտրանքային ճանապարհներ, այդ թվում՝ Աղդամ-Խանքենդի ճանապարհն օգտագործելու Ադրբեջանի առաջարկները, ինչպես նաև հրաժարվել է ընդունել ուղարկված սնունդը։ Սա վկայում է այն մասին, որ իրավիճակը կրում է քաղաքական, այլ ոչ թե մարդասիրական բնույթ, ինչպես պնդում է Հայաստանը։

Արգենտինական կողմին կոչ է արվել ձեռնպահ մնալ Ադրբեջանի տարածքային ամբողջականության և ինքնիշխանության դեմ ուղղված հայտարարություններից»,- հայտնել են ԱԳՆ-ից։

Zinvor.info

Zinvor.info

Հեշթեգներ. Ադրբեջան Արգենտինա

Նման լուրեր