«Բայրաքթար Աքընջը»-ի շահագործման դասընթացն ավարտած ադրբեջանցի զինծառայողներին շնորհվել են վկայականներ

«Բայրաքթար Աքընջը»-ի շահագործման դասընթացն ավարտած ադրբեջանցի զինծառայողներին շնորհվել են վկայականներ

11:49 10 04 2023

Թուրքիայում «Բայրաքթար Աքընջը» ԱԹՍ-ի շահագործման դասընթացն ավարտած ադրբեջանցի զինծառայողներին շնորհվել են վկայականներ։

Zinvor.info-ն հայտնում է, որ Թուրքիայի Թեքիրդաղ քաղաքի Չորլու թռիչքային ուսումնական կենտրոնում տեղի է ունեցել՝ «Բայքար» պաշտպանական ընկերության կողմից կազմակերպված՝ «Բայրաքթար Աքընջը» մարտական անօդաչու թռչող սարքերի կառավարման դասընթացի հերթական թողարկմանը նվիրված արարողություն։

Միջոցառմանը ընկերության պաշտոնատար անձանց, հանրության ներկայացուցիչների և դասընթացի ուսուցչական անձնակազմի հետ միասին մասնակցել են՝ պաշտպանական արդյունաբերության ձեռնարկության Baykar Makina-ի տեխնիկական տնօրեն Սելջուկ Բայրաքթարը, Ստամբուլում Ադրբեջանի գլխավոր հյուպատոս Նարմինա Մուստաֆաևան և Թուրքիայում Ադրբեջանի զինված ուժերի ռազմական կցորդ, գնդապետ Մուշֆիգ Մամեդովը։

Ս.Բայրաքթարը պատմել է՝ տեխնոլոգիայի և նորարարության ոլորտում «Բայկար» ընկերության կատարած վերջին աշխատանքների մասին և ուշադրություն հրավիրել մարտադաշտերում՝ ներքին ռեսուրսների հաշվին արտադրվող մարտական դրոնների որոշիչ դերի վրա։

Zinvor.info

Հեշթեգներ. Թուրքիա Ադրբեջան

Նման լուրեր