Ըստ Zinvor.info-յի՝ այս մասին ասվում է Իտալիայում Ադրբեջանի դեսպան Ռաշադ Ասլանովի նամակում, որը հղել է La Repubblica թերթի խմբագրություն՝ ի պատասխան թերթի կողմից հրապարակված ՝ Լաչին-Խանքենդի ճանապարհի «շրջափակման» և «մարդասիրական ճգնաժամի» մասին անհիմն հոդվածի։

«Ցավոք, այս հոդվածը շարունակությունն է Ադրբեջանի դեմ վերջին շաբաթների ընթացքում անցկացվող կեղծ լուրերի և զրպարտչական արշավի։ 2020 թվականի աշնանը Ադրբեջանը վերջ դրեց հակամարտությանը՝ ազատագրելով իր տարածքները, որոնք շուրջ 30 տարի գտնվում էին հայկական օկուպացիայի տակ։ Ադրբեջանի, Հայաստանի և Ռուսաստանի ղեկավարների կողմից 2020 թվականի նոյեմբերին ստորագրված եռակողմ հայտարարությունը հիմք դրեց ողջ տարածաշրջանում իրավիճակի կարգավորմանը։ 2022 թվականի հոկտեմբերին Պրահայում և Սոչիում ընդունված համատեղ հայտարարություններով Ադրբեջանը և Հայաստանը պաշտոնապես ճանաչեցին միմյանց տարածքային ամբողջականությունն ու ինքնիշխանությունը։

Ադրբեջանը չի թաքցնում իր մտահոգությունը, որ որոշ անձինք, որոնք ներկայանում են որպես տեղի հայ բնակիչների ներկայացուցիչներ, միտումնավոր խոչընդոտում են ճանապարհի օգտագործմանը՝ իրավիճակը սրելու համար։ Այստեղ խոչընդոտը հայկական կողմն է և անօրինական ռեժիմը, որը տիրում է Ադրբեջանի տարածքներում։ Օգտվելով առիթից՝ մեկ անգամ ևս հայտարարում եմ, որ Ադրբեջանը հավատարիմ է տարածաշրջանում խաղաղությանը, կայունությանը և զարգացմանը»,- ասված է նամակում։