Փոխնախարար. Ադրբեջանա-չեխական համագործակցությունը 2022 թվականին զգալիորեն աշխուժացել է

11:03 17 01 2023

Ադրբեջանի և Չեխիայի միջև երկկողմ հարաբերությունները աշխուժացել են անցյալ տարի՝ COVID-19 համավարակի պատճառով անկումից հետո, և համագործակցությունը նոր մակարդակի է հասել բազմաթիվ ոլորտներում։

Այս մասին Zinvor.info-յին ասել է Չեխիայի արտաքին գործերի փոխնախարար Յարոսլավ Կուրֆյուրստը։

«Առևտրատնտեսական համագործակցությունը մեր երկկողմ հարաբերությունների հիմնական առաջնահերթություններից է։ 2022 թվականի առևտրաշրջանառության վիճակագրությունը, որի վրա զգալիորեն ազդել է կորոնավիրուսային համավարակը, ցույց է տվել աստիճանական վերականգնում և տպավորիչ աճ՝ տարեկան կտրվածքով։ Չեխիայի վիճակագրական ծառայության տվյալներով՝ 2022 թվականի հունվար-նոյեմբերին Ադրբեջանի հետ առևտուրն աճել է 116 տոկոսով, ինչն իսկապես տպավորիչ է»,- ասել է նա։

Փոխնախարարի խոսքով, 2022 թվականի երկրորդ կեսից չեխական ընկերությունների աստիճանական վերադարձ է նկատվում ադրբեջանական շուկա, և Պրահայի ու Բաքվի միջև ուղիղ չվերթների վերականգնումը նպաստում է այս գործարար ակտիվության աշխուժացմանը։

Zinvor.info

Հեշթեգներ. Ադրբեջան Չեխիա

Նման լուրեր