Այս մասին Zinvor.info-յին հայտնել են օմբուդսմենի գրասենյակից։

Նշվել է, որ Ադրբեջանում հայ ռազմագերիների խոշտանգումների մասին Հայաստանի օմբուդսմենի հայտարարությունները՝ նպատակ ունեն մոլորեցնել համաշխարհային հանրությանը, ինչը բնորոշ է այս երկրի քաղաքականությանը։

«Օմբուդսմեն Սաբինա Ալիևան և գրասենյակի ներկայացուցիչները, առաջնորդվելով միջազգային կոնվենցիաների պահանջներով, մի քանի անգամ այցելել են մեր ազատագրված տարածքներում կալանավորված և հետաքննության ենթարկված հայ ռազմագերիներին և զինված խմբավորումների անդամներին: Այս այցերի ընթացքում կալանավորներին իրենց մայրենի լեզվով բացատրվել են ազգային և միջազգային իրավունքով նախատեսված նրանց իրավունքները: Հայաստանի քաղաքացիները չեն բողոքել պահման պայմաններից և նրանց հետ վարվելուց: Ինչպես նաև նրանց համար կազմակերպվել է միջազգային չափանիշներին համապատասխանող բժշկական օգնություն, պայմաններ են ստեղծվել ընտանիքի անդամների հետ հեռախոսային կապի պահպանման համար։ Այցելությունների մասին հաշվետվությունները ներկայացվել են միջազգային կազմակերպություններին:

Օմբուդսմենի կողմից իրականացված ստուգումների արդյունքների համաձայն՝ Ադրբեջանում հայ ռազմագերիների նկատմամբ ցուցաբերվել է մարդասիրական մոտեցում՝ միջազգային մարդասիրական իրավունքի պահանջներին համապատասխան։

Ադրբեջանական կողմը նման կեղծ հայտարարությունների կրկնումը դիտարկում է՝ որպես համաշխարհային հանրության ուշադրությունը Հայաստանի կողմից իրականացված հանցագործություններից շեղելու փորձ»,- ասվում է հայտարարության մեջ։