Օմբուդսմեն Սաբինա Ալիևան հայտարարություն է արել Խոջալուի ցեղասպանության 30-րդ տարելիցի կապակցությամբ

09:45 26 02 2022

Ադրբեջանի մարդու իրավունքների հանձնակատար (օմբուդսմեն) Սաբինա Ալիևան հանդես է եկել տեսաուղերձով՝ Խոջալուի ցեղասպանության 30-րդ տարելիցի կապակցությամբ։

Ինչպես Zinvor.info-յին հայտնել են օմբուդսմենի մամուլի ծառայությունից, այս ցեղասպանությունը 20-րդ դարի ամենասարսափելի ողբերգություններից է։

«Խոջալուի խաղաղ բնակչության զանգվածային և նպատակային կոտորածը, հենց նրանց էթնիկ պատկանելության պատճառով, պետք է որակվի որպես ցեղասպանության հանցագործություն՝ ՄԱԿ-ի Գլխավոր ասամբլեայի 1946 թվականի դեկտեմբերի 11-ի թիվ 96 (I) բանաձևի և 1948 թվականի դեկտեմբերի 9-ի № 260 (III) բանաձևով ընդունված՝ «Ցեղասպանության հանցագործությունների կանխարգելում և պատիժ», կոնվենցիայի համաձայն:

Ներկայումս ԱՄՆ 17 օրենսդիր մարմիններ և 24 նահանգներ ընդունել են Խոջալուի կոտորածը դատապարտող բանաձևեր և որոշումներ։ Իսլամական համագործակցության կազմակերպությունը Հայաստանը ճանաչել է որպես ագրեսոր, իսկ Խոջալուի ողբերգությունը՝ ցեղասպանություն։

Թեև ցեղասպանության օրվանից անցել է 30 տարի, սակայն, ցավոք սրտի, միջազգային հանրությունը որդեգրել է երկակի ստանդարտներ, ցեղասպանության ակտին չի տրվել անհրաժեշտ քաղաքական և իրավական գնահատական, իսկ մեղավորները դեռ պատասխանատվության չեն ենթարկվել»,- ընդգծել է.Ս. Ալիևան:

Zinvor.info

Հեշթեգներ. Օմբուդսմեն Սաբինա-Ալիևա

Նման լուրեր