Իլհամ Ալիեւը խոսել է ռուս-ադրբեջանական հարաբերությունների մասին
|
|
Ադրբեջանի նախագահ Իլհամ Ալիեւը Ռուսաստանի նախագահ Վլադիմիր Պուտինի հետ հանդիպման ժամանակ խոսել է ռուս-ադրբեջանական հարաբերությունների մասին։
|
Նախագահի խոսքից պարզ է դառնում, որ Ռուսաստան-Ադրբեջան դաշնակցային հարաբերությունների մասին այսօր Պուտինի եւ Ալիեւի կողմից ստորագրվելիք հռչակագիրը ավելի քան 40 հոդված է ընդգրկում, որտեղ ներառված են կյանքի բոլոր ոլորտները։
Այն, ըստ Իլհամ Ալիեւի կարելի է համարել ռուս-ադրբեջանական հարաբերությունների զարգացման վերջին տարիների հանրագումարը եւ նաեւ ուղենշելու է այդ հարաբերությունների ապագան։ Իլհամ Ալիեւը շեշտել է, որ ռուս-ադրբեջանական հարաբերությունները վերջին տարիներին հասել են իրենց ամենաբարձր մակարդակին։
Ուշագրավ է, որ հռչակագիրը, որը ստորագրվելու է, Իլհամ Ալիեւը համարել է որ դրականորեն կազդի ռեգիոնալ անվտանգության վրա։ Ի դեպ, ռուս-ադրբեջանական փոխադարձ առեւտրաշրջանառությունն անցյալ տարի աճել է 16 տոկոսով, գերազանցելով 3 միլիարդ դոլարը։
Հեշթեգներ.
Իլհամ-Ալիև
Ադրբեջան