Այս մասին հայտարարել է Ադրբեջանի նախագահ, գերագույն գլխավոր հրամանատար Իլհամ Ալիեւը Աղդամի շրջանը օկուպացիայից ազատագրման կապակցությամբ ազգին ուղղված իր ուղերձում, հաղորդում է Zinvor.info-ն։

«Մենք այդ տարածաշրջանում ունենք տեղեկատվության բազմաթիվ աղբյուրներ, և դա է մեր հաջողության պատճառներից մեկը: Մենք հստակ գիտեինք, և հիմա մենք գիտենք, թե ինչ է կատարվում այնտեղ, որտեղ է թաքնվում նրանց խունտայի ղեկավարը: Հավանաբար նա գիտեր, որ մենք գիտեինք: Այդ պատճառով նա չկարողացավ քիթը հանել ու նստեց բունկերում: Մենք ունենք տեղեկատվություն, ունենք աղբյուրներ, ունենք արբանյակային պատկերներ: Հետեւաբար, ես լիովին վստահ ասում եմ, որ Լեռնային Ղարաբաղում, ներառյալ գրավյալ տարածքները, ապրում էր առավելագույնը 65,000 մարդ: Եվ ուրեմն, որտեղի՞ց են եկել 90,000 փախստականներ: Կրկին խարդախություն, կրկին սուտ:

«Օգնիր ինձ» -ը նրանց գաղափարախոսության հիմնական սկզբունքն է: Ո՞ր ժողովուրդը կարող է զարգանալ այս գաղափարախոսությամբ: Մենք կբացահայտենք փախստականների թվի վերաբերյալ այս ստերը, և եթե փախստականներ կային, դա մեր մեղքը չէ: Քանի որ մենք չենք պայքարել խաղաղ բնակչության դեմ: Նրանք կռվել են խաղաղ բնակչության դեմ: Մենք ունենք 94 զոհ քաղաքացիական բնակչության շրջանում, ավելի քան 400 վիրավոր քաղաքացիական անձ, ավելի քան 3000 տուն ավերված է», նշել է պետության ղեկավարը: