«Ռուսաստանից մեր ակնկալիքները Ղարաբաղի վերաբերյալ եռակողմ հայտարարության բոլոր կետերի կատարումն են: Այս հայտարարությունը ստորագրել են երեք երկրի՝ Ադրբեջանի, Ռուսաստանի և Հայաստանի ղեկավարները: Այս կետերի մեծ մասն իրականացվել է, սակայն կան հարցեր, որոնք դեռ բաց են մնում»,- հայտարարել է Իլհամ Ալիեւը թուրքական CNN Turk հեռուստաալիքին տված հարցազրույցում:

Նախագահը նշել է, որ Ռուսաստանը, որպես Ադրբեջանի հարեւան եւ Հայաստանի մերձավոր դաշնակից, հատուկ դեր է խաղում տարածաշրջանում: «Մենք հույս ունենք, որ դրանից հետո Ռուսաստանը կշարունակի ջանքերը եւ քայլեր կձեռնարկի տարածաշրջանում երկարաժամկետ խաղաղության հասնելու համար»,-ասել է Իլհամ Ալիեւը՝ հավելելով, որ Ադրբեջանը Ռուսաստանից ակնկալում է, որ չի զինի Հայաստանին:

«Հայ ժողովուրդը եւ Հայաստանի ղեկավարությունը համակերպվել են նոր իրավիճակի եւ պարտության հետ: Հայաստանում վերջին խորհրդարանական ընտրությունները դա ցույց տվեցին: Պատմության մեջ աննախադեպ իրադարձություն՝ երբ պարտվող ղեկավարությունը ստացավ ժողովրդի վստահությունը: Ուստի այս իրավիճակում Հայաստանին զինելը հակասում է ցանկացած տրամաբանության: Մենք ակնկալում ենք, որ Ռուսաստանը կդադարի զինել Հայաստանին, սակայն դեռ դա չենք տեսնում: Եղավ մի քանի հայտարարություն, այդ թվում՝ ռուսական կողմից, երբ Ռուսաստանի պաշտպանության նախարարն օրեր առաջ հայտարարեց, որ սկսվել է Հայաստանին զենքի մատակարարման գործընթացը»,- ասել է Իլհամ Ալիեւը:

Ընց որում, Նախագահը հայտարարել է, որ Հայաստանի պաշտպանության նոր նախարարը մի քանի անպատասխանատու հայտարարություններ է արել, մասնավորապես, եթե ադրբեջանցի զինվորը հատի Հայաստանի սահմանը, ապա նրանք կրակ կբացեն նրա վրա: «Ըստ ամենայնի, ղարաբաղյան երկրորդ պատերազմը նրանց համար դաս չդարձավ: Եթե ​​այդպես, ապա մենք պատրաստ ենք եւս մի դաս տալ: Ուստի մենք հույս ունենք, որ Ռուսաստանը չի զինի Հայաստանին: Դրա կարիքը չկա»,- ասել է Նախագահը:

«Ուստի մենք ցանկանում ենք, որպեսզի Ռուսաստանը հաշվի առնի մեր մտահոգությունն այս հարցում, քանի որ որքան էլ զենք փոխանցվի, միեւնույն է, ուժերի հավասարություն չի լինի: Վերջին 30 տարիների ընթացքում Ռուսաստանն անվճար մի քանի միլիարդ զենք է փոխանցել Հայաստանին: Դրանց մի մասն այժմ ավերված վիճակում ցուցադրված են որպես թանգարանային ցուցանմուշներ»:

Նախագահ Իլհամ Ալիեւը հավելել է, որ Բաքուն ակնկալում է, որ Մոսկվան կշարունակի ջանքերն Ադրբեջանի եւ Հայաստանի միջեւ հարաբերությունների կարգավորման եւ տարածաշրջանում խաղաղության ապահովման ուղղությամբ:

Միաժամանակ, Իլհամ Ալիեւը հույս է հայտնել, որ Վրաստանը, Հայաստանը, Ռուսաստանը եւ Իրանը կմիանան «3+3» ձեւաչափով համագործակցության հարթակի մասով Ադրբեջանի եւ Թուրքիայի նախաձեռնությանը: «Այս հարցը բազմիցս քննարկվել է իմ եւ Թուրքիայի նախագահի կողմից, եւ մեր դիրքորոշումները համընկնում են: Մենք աջակցում ենք այս ձեւաչափին եւ հույս ունենք, որ տարածաշրջանի այլ երկրներ եւս կմիանան այս հարթակին»:

Նրա խոսքով՝ Վրաստանը դեռ պատրաստ չէ աջակցել այս հարթակին, քանի որ դիվանագիտական ​​հարաբերություններ չունի Ռուսաստանի հետ: «Դա Վրաստանի դիրքորոշումն է, եւ մենք պետք է հարգենք այն: Սակայն, չնայած դրան, տարածաշրջանի երկրների միջեւ հարաբերությունները կարեւոր են տարածաշրջանային համագործակցության, կայունության ապահովման, պատերազմի վտանգը զրոյի հասցնելու համար»,- ասել է Նախագահը: