Երթուղու մասին հայտարարությունը նաեւ դժգոհություն է առաջացրել Մոսկվայում։

1991թ․ Խորհրդային Միության փլուզումից ի վեր Ռուսաստանը Կովկասի նախկին խորհրդային հանրապետությունները համարել է իր ազդեցության ոլորտի մաս։ Պարբերականի տվյալներով՝ ղարաբաղյան հակամարտության ողջ ընթացքում Ռուսաստանը հանդես է եկել որպես անբարեխիղճ միջնորդ Հայաստանի եւ Ադրբեջանի միջեւ։ Խաղաղապահ առաքելության շրջանակում հարյուրավոր զինվորների տեղակայումը փաստացի սառեցրել է հակամարտությունը Ռուսաստանի պայմաններով։

Երբ Ադրբեջանը 2023թ․ ռազմական գործողություն սկսեց Ղարաբաղում, ռուս խաղաղապահները չմիջամտեցին։ Այժմ, երբ Ադրբեջանի հարաբերություններն Իրանի եւ Ռուսաստանի հետ սկսում են վատթարանալ, սա կարող է հնարավորություն լինել Բաքվի եւ Վաշինգտոնի համար՝ ամրապնդելու իրենց պաշտպանական, էներգետիկ եւ առեւտրային կապերը։

ԱՄՆ-ը կարող է օգուտ քաղել Հարավային Կովկասում իր գործընկերության ընդլայնումից։ Սա նաեւ կամրապնդի Ադրբեջանի տնտեսական կապերը Միացյալ Նահանգների եւ Արեւմուտքի հետ, քանի որ երկիրը ձգտում է հեռանալ Իրանից եւ Ռուսաստանից։ ԱՄՆ-ի հետ ավելի սերտ համագործակցությունը կխթանի Ադրբեջանի տնտեսությունը՝ Թրամփի ծրագրած առեւտրային միջանցքից ստացված շահույթի միջոցով։ Միեւնույն ժամանակ, ԱՄՆ-ի եւ Ադրբեջանի միջեւ ավելի սերտ հարաբերությունները կթուլացնեն Իրանի եւ Ռուսաստանի դիրքերը տարածաշրջանում։