Zinvor.info-յի փոխանցմամբ՝ գերատեսչության մամուլի ծառայությանը հղումով, հանդիպման ընթացքում Միլլի Մեջլիսի նախագահ Սահիբա Գաֆարովան Բահրեյնի թագավորին է փոխանցել՝ Ադրբեջանի նախագահ Իլհամ Ալիևի ողջույնները։

Թագավոր Համադ բին Իսա Ալ Խալիֆան, իր հերթին, խնդրել է Գաֆարովային՝ իր ողջույնները փոխանցել Ադրբեջանի նախագահին։

Հանդիպման շրջանակներում Բահրեյնի թագավորը խոսել է՝ Ադրբեջանի զարգացման և երկկողմ հարաբերությունների հետագա խորացման կարևորության մասին։ Նա նաև ընդգծել է՝ խորհրդարանների դրական դերը երկու երկրների միջև կապերի ընդլայնման գործում։

Զրույցի ընթացքում Միլլի Մեջլիսի նախագահ Սահիբա Գաֆարովան նշել է, որ ադրբեջանա-բահրեյնական հարաբերությունները կառուցված են՝ բարեկամության, փոխադարձ վստահության և հարգանքի վրա՝ հայտարարելով, որ մեր երկրների միջև առկա քաղաքական կապերը լայն հնարավորություններ են ստեղծում այլ ոլորտներում, այդ թվում՝ տնտեսական, ներդրումային և զբոսաշրջային համագործակցության համար։ Նա հիշեցրել է, որ այս տարի լրանում է՝ Ադրբեջանի և Բահրեյնի միջև դիվանագիտական հարաբերությունների հաստատման 30-ամյակը։ Զրույցի ընթացքում գոհունակություն է հայտնվել նաև՝ միջազգային կազմակերպությունների շրջանակներում մեր բարեկամ երկրների փոխադարձ աջակցության կապակցությամբ։