Zinvor.info-յի փոխանցմամբ, այս մասին հայտարարել է Ադրբեջանի արտաքին գործերի նախարար Ջեյհուն Բայրամովը, ներկայացնելով՝ արտաքին քաղաքական գերտեսչության ընթացիկ տարվա գործունեության արդյունքները։

Նա նշել է, որ 2025 թվականին Ադրբեջանը՝ երկրի նախագահի ղեկավարությամբ, ակտիվ արտաքին քաղաքականություն է վարել։

«Ադրբեջանը ամրապնդել է իր դիրքերը միջազգային ասպարեզում և ընդլայնել է իր դիվանագիտական ներկայությունը։ 2025 թվականին խաղաղության գործընթացում զգալի առաջընթաց է գրանցվել», - նշել է նա։

Նախարարի խոսքով՝ այս համատեքստում նշանակալից էր նախագահ Իլհամ Ալիևի օգոստոսին Վաշինգտոն կատարած այցը.

«Այս այցի ընթացքում երկու երկրների միջև ստորագրվել է փոխըմբռնման հուշագիր, և տեղի են ունեցել փոխադարձ այցելություններ»։
Ռուսաստանի հետ Ադրբեջանի հարաբերությունների վերաբերյալ նա նշել է, որ Բաքուն և Մոսկվան շարունակել են պահպանել երկխոսության որոշակի ուղիներ 2025 թվականի ընթացքում՝ չնայած երկկողմ հարաբերություններում առկա լարվածությանը։

«Չնայած շարունակվող լարվածությանը, երկու պետությունների միջև որոշակի երկխոսություններ տեղի ունեցան: Դուշանբեում [Ադրբեջանի և Ռուսաստանի ղեկավարների միջև] հոկտեմբերի 9-ին կայացած հանդիպումը կարևոր դեր խաղաց հարաբերությունների մեղմացման գործում», - հայտարարել է Բայրամովը: