Բաքվում դատախազները դատարանին ապացույցներ են ներկայացրել մեղադրյալների՝ Հայաստանի քաղաքացիների դեմ

Բաքվում դատախազները դատարանին ապացույցներ են ներկայացրել մեղադրյալների՝ Հայաստանի քաղաքացիների դեմ

12:14 07 11 2025

Նոյեմբերի 6-ին շարունակվել է՝ ՀՀ քաղաքացիներ Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լևոն Մնացականյանի և այլոց դեմ քրեական գործերով հարուցված բաց դատավարությունը, որոնք մեղադրվում են Ադրբեջանի դեմ Հայաստանի ռազմական ագրեսիայի արդյունքում՝ խաղաղության և մարդկության դեմ հանցագործություններ կատարելու, պատերազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ինչպես նաև ահաբեկչության, ահաբեկչության ֆինանսավորման, իշխանության բռնի զավթման, իշխանության բռնի պահպանման և բազմաթիվ այլ հանցագործությունների մեջ։

Zinvor.info-յի փոխանցմամբ, Բաքվի ռազմական դատարանում՝ դատավոր Զեյնալ Աղաևի նախագահությամբ և դատավորներ Ջամալ Ռամազանովի և Անար Ռզաևի (պահեստային դատավոր Գյունել Սամեդովա) կազմով անցկացված նիստում մեղադրյալներից յուրաքանչյուրին տրամադրվել է թարգմանիչ նրանց տիրապետած լեզվով, ինչպես նաև դատապաշտպաններ։

Նիստին մասնակցել են մեղադրյալները, նրանց փաստաբանները, տուժող անձանց մի մասը, նրանց իրավահաջորդներն ու ներկայացուցիչները, ինչպես նաև պետական մեղադրանքին աջակցող դատախազները։
Դատական նիստը շարունակվել է դատախազների կողմից մեղադրական եզրակացության ներկայացմամբ՝ պաշտպանելով պետական մեղադրանքը։

Գլխավոր դատախազի ավագ օգնական Վուսալ Ալիևը դատարանի ուշադրությանն է ներկայացրեցլ՝ մեղադրյալ Արայիկ Վլադիմիրի (Վլադիմիրովիչ) Հարությունյանին վերաբերող որոշ փաստաթղթեր և ապացույցներ։

Մեղադրանքի կողմի ելույթների ժամանակ ցուցադրվել են նաև լուսանկարներ, որոնք նկարագրում էին այն հանցագործությունները, որոնցում մեղադրվում են մեղադրյալները։

Դատական նիստը կշարունակվի նոյեմբերի 7-ին։

Zinvor.info

Հեշթեգներ. Բաքու Դատարան

Նման լուրեր