Zinvor.info-յի փոխանցմամբ՝ այս մասին տեղեկատվությունը զետեղված է Ադրբեջանի նախագահի պաշտոնական կայքում։

Նամակում Իլհամ Ալիևը շնորհավորել է Ռեջեփ Թայիբ Էրդողանին և Թուրքիայի ժողովրդին ազգային տոնի՝ Հանրապետության օրվա կապակցությամբ։

«Մենք ուրախ ենք և հպարտ մեր եղբայրական երկրի ամեն մի հաջողությամբ։ Ադրբեջանա-թուրքական հարաբերությունների բարձր մակարդակը, որը բխում է մեր ժողովուրդների անսասան կամքից և հիմնված է «Մեկ ազգ, երկու պետություն» սկզբունքի վրա, մեծ հպարտության զգացում է առաջացնում։ Մեր միջպետական հարաբերությունների ամենօրյա խորացումը, որոնք Շուշայի հռչակագրի ստորագրմամբ հասան ռազմավարական դաշինքի մակարդակի և ձեռք են բերում նոր իմաստ, մեր ուժեղ քաղաքական կամքի և հետևողական համատեղ ջանքերի հստակ արտահայտությունն է։

Այսօր Ադրբեջանի և Թուրքիայի միջև աննախադեպ եղբայրությունը, միասնությունը և դաշինքը նաև կարևոր գործոն են, որոնք ծառայում են տարածաշրջանում խաղաղությանը, անվտանգությանը, բարգավաճմանը և համագործակցությանը։ Ամենահաճելի տպավորություններով եմ հիշում հոկտեմբերի սկզբին Գաբալա կատարած Ձեր այցը, որտեղ տեղի ունեցավ Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովը։

Կցանկանայի հատուկ նշել Ձեր համառ ջանքերը թյուրքական աշխարհի միասնության և միջազգային ասպարեզում ԹՊԿ հեղինակության աճի ուղղությամբ։ Վստահ եմ, որ մեր ժողովուրդների կամքին համապատասխան՝ մենք հաջողությամբ կշարունակենք մեր համատեղ ջանքերը՝ մեր եղբայրական հարաբերությունների հետագա ընդլայնման և խորացման և արդյունավետ զարգացման համար։ Այս նշանակալի օրը մաղթում եմ Ձեզ քաջառողջություն, երջանկություն և հաջողություն Ձեր պատասխանատու պետական գործունեության մեջ, իսկ եղբայրական Թուրքիայի Հանրապետությանը և նրա ժողովրդին՝ տևական խաղաղություն, բարեկեցություն և բարգավաճում», - ասվում է ուղերձում։