Ինչպես հաղորդում է
Zinvor.info-ն, այս մասին հայտնել է Ղազախստանի նախագահի մամուլի ծառայությունը (Akorda):
Նախ, նախագահներ Իլհամ Ալիևը և Կասիմ-Ժոմարտ Տոկաևը ստորագրել են պետությունների ղեկավարների համատեղ հայտարարություն՝ Ադրբեջանի Հանրապետության և Ղազախստանի Հանրապետության միջև ռազմավարական գործընկերության և դաշնակցային հարաբերությունների մասին պայմանագրի ստորագրման 20-ամյակի կապակցությամբ, «Ադրբեջանի և Ղազախստանի Բարձրագույն միջպետական խորհրդի երկրորդ նիստի թիվ 1 որոշումը՝ երկկողմ համագործակցության ամրապնդման մասին» և «Ադրբեջանի և Ղազախստանի Բարձրագույն միջպետական խորհրդի երկրորդ նիստի թիվ 2 որոշումը՝ Ադրբեջանի և Ղազախստանի արտաքին գործերի նախարարների խորհրդի մասին կանոնակարգը հաստատելու մասին»։
Այնուհետև տեղի է ունեցել ադրբեջանա-ղազախական փաստաթղթերի փոխանակում։