Ինչպես հաղորդում է Zinvor.info-ն, այս մասին հայտարարել է՝ Խանքենդիում, Աղդերեում և Խոջալուի շրջաններում նախագահի հատուկ ներկայացուցչի տեղակալ Սաբուհի Գահրամանովը, Խանքենդիում կայացած՝ «Ադրբեջանի արտաքին քաղաքականությունը ինքնիշխանության վերականգնումից հետո. առաջնահերթություններ և մարտահրավերներ» թեմայով դիվանագիտական ծառայության մարմինների ղեկավարների IX խորհրդակցության հատուկ նիստում իր ելույթում:

Նրա խոսքով, շահագործման հանձնված օբյեկտներում աշխատում է մոտ 2 հազար մարդ: Գործող պայմանագրերով այլ օբյեկտների շահագործման հանձնելուց հետո, աշխատատեղերի թիվը կհասնի 5 հազարի. «Օկուպացիայից ազատագրված տարածքներում պետության կողմից կիրառվող արտոնյալ մեխանիզմները նույնպես կարևոր դեր են խաղում տնտեսական հաջողությունների հասնելու գործում: Խթանման մեխանիզմները պայմաններ են ստեղծում Լեռնային Ղարաբաղի տնտեսության վերականգնման գործընթացում տեղացի ներդրողների հետ մեկտեղ օտարերկրյա ներդրողներին ներգրավելու համար: Այս առումով մենք նաև հետաքրքրված ենք արտասահմանյան դիվանագիտական ներկայացուցչությունների հետ համագործակցելով՝ օտարերկրյա ներդրողներին տեղեկացնելու օկուպացիայից ազատագրված տարածքներում ներդրումային գործունեության համար ստեղծված բարենպաստ պայմանների և խթանման մեխանիզմների մասին»: