Ինչպես հաղորդում է Zinvor.info-ն, այս մասին ասվում է՝ Ադրբեջանի ԱԳՆ մամուլի քարտուղար Այխան Հաջիզադեի մեկնաբանության մեջ։

«Այս փաստաթղթերի բովանդակությունը խեղաթյուրելու և պատմական փաստերը կեղծելու Հայաստանի փորձը՝ խաղաղության գործընթացը խաթարելու և միջազգային հանրությանը մոլորեցնելու նրա ջանքերի հերթական օրինակ է», - ասվում է մեկնաբանության մեջ։

Ա. Հաջիզադեն ընդգծել է, որ Հայաստանի կողմից ադրբեջանական տարածքների շուրջ 30-ամյա օկուպացիայի համատեքստում, որի արդյունքում ավելի քան 700 հազար ադրբեջանցիներ դարձել են հարկադիր վերաբնակներ, 2023 թվականին հակաահաբեկչական միջոցառումների վերաբերյալ Երևանի պնդումները նույնպես անհիմն են։

«Իսլամական համագործակցության կազմակերպության կոչը Հայաստանին՝ անհապաղ վերացնել խաղաղության համաձայնագրի կնքման ճանապարհին առկա խոչընդոտները, համապատասխանում է միջազգային հանրության՝ Հարավային Կովկասում կայունության հաստատման վերաբերյալ ակնկալիքներին»։

Երևանի փորձերը քաղաքականացնելու ԻՀԿ սկզբունքային դիրքորոշումը և խուսափելու իր գործողությունների համար պատասխանատվությունից, չեն կանգնեցնի Ադրբեջանին, որը ջանքեր է գործադրում արդար և կայուն խաղաղության հասնելու համար։ Մենք կոչ ենք անում Հայաստանին՝ հրաժարվել ռևիզիոնիստական հռետորաբանությունից և ճանաչել իր պատմական պատասխանատվությունը», - նշել է Ա. Հաջիզադեն։